ସାମ୍ନାକୁ ଆସିଲା ୬ କରୋନା ଆକ୍ରାନ୍ତଙ୍କ ବିବରଣୀ; ଜାରି ରହିଛି କଣ୍ଟାକ୍ଟ ଟ୍ରେସିଂ
ଭୁବନେଶ୍ୱର: ଆଜି ମଧ୍ୟାହ୍ନରେ ଚିହ୍ନଟ ହୋଇଥିବା ୬ କରୋନା ଆକ୍ରାନ୍ତଙ୍କ ସମ୍ପର୍କରେ ତଥ୍ୟ ଦେଇଛନ୍ତି ରାଜ୍ୟ ସରକାର । ସୂଚନା ଓ ଲୋକ ସମ୍ପର୍କ ବିଭାଗ ଟୁଇଟ୍ କରି ଏହି ଆକ୍ରାନ୍ତଙ୍କ ସଂପର୍କରେ ବିବରଣୀ ପ୍ରଦାନ କରାଯାଇଛି । ଆକ୍ରାନ୍ତମାନଙ୍କ ବୟସ ଓ ଲିଙ୍ଗ ସଂପର୍କରେ ସୂଚନା ଜାରି କରାଯାଇଛି । ଏହି କ୍ରମରେ ଯାଜପୁରର ୫ ଜଣ ଓ ସୁନ୍ଦରଗଡର ଜଣେ ଆକ୍ରାନ୍ତଙ୍କ ତଥ୍ୟ ଆସିଛି ।
Sambad is now on WhatsApp
Join and get latest news updates delivered to you via WhatsApp
Patient Details #Covid19 #Odisha
Case No: 70, 71, 72, 73 & 74
(5 new Positive Cases From Jajpur)28 Yrs Male, 32 Yrs Male, 50 Yrs Male, 58 Yrs Male & 64 Yrs Male
Contact tracing and followup action is being done. pic.twitter.com/XHmXeDQCyH
— I & PR Department, Odisha (@IPR_Odisha) April 20, 2020
ଯାଜପୁର ଜିଲ୍ଲାରେ ୫ ଜଣ ପୁରୁଷଙ୍କ ଠାରେ କରୋନା ଭୂତାଣୁ ଠାବ ହୋଇଛି । ଏହି ୫ ଆକ୍ରାନ୍ତଙ୍କ ବୟସ ଯଥାକ୍ରମେ ୨୮,୩୨,୫୦,୫୮, ୬୪ ବୋଲି ସରକାରୀ ତଥ୍ୟରୁ ସାମ୍ନାକୁ ଆସିଛି । ସେହିପରି ସୁନ୍ଦରଗଡର ବିଶ୍ରାରୁ ଜଣେ ୪୦ ବର୍ଷିୟ ଯୁବକ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ୬ଜଣଙ୍କୁ ଚିହ୍ନଟ କରାଯିବ ପରେ ସେମାନେ କାହା କାହା ସଂସ୍ପର୍ଶରେ ଆସିଛନ୍ତି ସେ ନେଇ ଅନୁସନ୍ଧାନ ଆରମ୍ଭ ହୋଇଯାଇଛି |
ଯାଜପୁରରେ ଚିହ୍ନଟ ୫ଟି ମାମଲା ମଧ୍ୟରୁ କୋରେଇ ବ୍ଲକରୁ ଜଣେ, ଯାଜପୁର ବ୍ଲକରୁ ୩ ଜଣ ଓ ଦଶରଥପୁର ବ୍ଲକର ଜଣେ ବୋଲି ଜଣାପଡ଼ିଛି । ଏମାନଙ୍କ କଣ୍ଟାକ୍ଟ ଟ୍ରେସିଂ ଆରମ୍ଭ ହୋଇଛି ବୋଲି ଜିଲ୍ଲାପାଳ ରଂଜନ କୁମାର ଦାସ ସୂଚନା ଦେଇଛନ୍ତି । ଏମାନେ କୋଲକତାରୁ ଫେରିଥିବା ଜଣାଯାଇଛି । ଖୁବଶୀଘ୍ର ସଂପୃକ୍ତ ଅଞ୍ଚଳଗୁଡ଼ିକୁ କଣ୍ଟେନମେଣ୍ଟ ଜୋନ ଘୋଷଣା କରିବାକୁ ଜିଲ୍ଲା ପ୍ରଶାସନ ପ୍ରସ୍ତୁତି ଆରମ୍ଭ କରିଛି ।
Patient Details #Covid19 #Odisha
Case No: 69
Bisra, Sundargarh (Contact Case)
40 Years, MaleContact tracing and followup action is being done. pic.twitter.com/VfI1hCmrSP
— I & PR Department, Odisha (@IPR_Odisha) April 20, 2020
ସୂଚନା ମୁତାବକ, ଆଜି ସକାଳେ ୭ ଜଣ କରୋନା ସଂକ୍ରମିତ ଚିହ୍ନଟ ହୋଇଥିଲେ । ଫଳରେ ଆଜି ଗୋଟିଏ ଦିନରେ ମୋଟ ୧୩ ଟି କରୋନା ପଜିଟିଭ ଚିହ୍ନଟ ହୋଇଛନ୍ତି । ରାଜ୍ୟରେ ଏବେ କରୋନା ଆକ୍ରାନ୍ତଙ୍କ ସଂଖ୍ୟା ୭୪ରେ ପହଂଚିଛି |.