୬ ବଖରା ଜଳିଗଲା

ହରିଚନ୍ଦନପୁର: ହରିଚନ୍ଦନପୁର ବ୍ଲକ୍‌ ରେବଣାପଳାସପାଳ ପଞ୍ଚାୟତ ବାଙ୍ଗୁରୁଶୁଣି  ଗ୍ରାମର ସୁଲଭ ଦେହୁରୀ ଓ ତାଙ୍କ ପୁଅ ରାମଚନ୍ଦ୍ର ଦେହୁରୀଙ୍କ ୬ ବଖରା ଘର ଆଜି ଅପରାହ୍ଣରେ ଅଗ୍ନିକାଣ୍ଡରେ ଧ୍ୱଂସ ହୋଇଯାଇଛି। ସୁଲଭ ଦେହୁରୀଙ୍କ ଝିଅ ବାହାଘର ପାଇଁ ଘର ଚାରିପାଖ ସଫା କରାଯାଇଥିଲା। ଅଳିଆ ଗଦାରେ ନିଆଁ ଲଗାଯାଇଥିଲା।

ତେବେ ହଠାତ ପବନ ଆସିବାରୁ ପାଖରେ ଥିବା ପାଳ ଗଦା ଏବଂ ପରେ ଘରେ ନିଆଁ ଲାଗିଯାଇଥିଲା। ଚାହୁଚାହୁ ୬ ବଖରା ଘରେ ନିଆଁ ଲାଗିଗଲା । ଏହି ଅଗ୍ନିକାଣ୍ଡରେ ଘରର ସମସ୍ତ ଆସବାବପତ୍ର ନଷ୍ଟ ହୋଇଯିବା ସହ ଝିଅ  ବାହାଘର ପାଇଁ ରଖିଥିବା ଜିନିଷପତ୍ର ଏବଂ ୭୦ ହଜାର ଟଙ୍କା ପୋଡ଼ି ନଷ୍ଟ ହୋଇଯାଇଛି। ଖବର ପାଇ ହରିଚନ୍ଦନପୁର ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। କ୍ଷତିଗ୍ରସ୍ତ ପରିବାରକୁ ସରକାରୀ ସାହାଯ୍ୟ ଯୋଗାଇ ଦେବାକୁ ଗ୍ରାମବାଦୀଙ୍କ ପକ୍ଷରୁ ଦାବି ହୋଇଛି।