ବନ୍ୟା ମୁକାବିଲା ପାଇଁ ୬ ଆଇଏଏସଙ୍କୁ ଦାୟିତ୍ୱ

ଭୁବନେଶ୍ୱର : ଓଡ଼ିଶାରେ ବନ୍ୟା ପରିସ୍ଥିତି ଦିନକୁ ଦିନ ଚିନ୍ତାଜନକ ହେଉଥିବାରୁ ପରିସ୍ଥିତିର ମୁକାବିଲା ପାଇଁ ରାଜ୍ୟ ସରକାର ୬ ଜଣ ବରିଷ୍ଠ ଆଇଏଏସ ଅଧିକାରୀଙ୍କୁ ୬ଟି ପ୍ରଭାବିତ ଜିଲ୍ଲା ଦାୟିତ୍ୱ ପ୍ରଦାନ କରାଯାଇଛି ।

ହେମନ୍ତ ଶର୍ମାଙ୍କୁ କେନ୍ଦ୍ରାପଡ଼ା, ଡି.କେ.ସିଂଙ୍କୁ କଟକ ଜିଲ୍ଲା ଦାୟିତ୍ୱ ପ୍ରଦାନ କରାଯାଇଛି । ସେହିପରି ବିଶାଲ ଦେବଙ୍କୁ ବାଲେଶ୍ୱର, ବିଷ୍ଣପଦ ସେଠୀଙ୍କୁ ଭଦ୍ରକ, ଭି.ଭି.ଯାଦବଙ୍କୁ ଯାଜପୁର ଓ ସତ୍ୟବ୍ରତ ସାହୁଙ୍କୁ ଜଗତସିଂହପୁର ଜିଲ୍ଲା ଦାୟିତ୍ୱ ପ୍ରଦାନ କରାଯାଇଛି ।

 

As per Hon CM’s direction Sr officers deployed to oversee flood mgt in dist.Hemant Sharma Kendrapada
DK Singh Ctc
Vishal Dev Balasore
BP Sethi Badhrak
VV Yadav Jajpur
Satyabrata sahu JSpur
RDC CD Puri.They will proceed Asap .@IPR_Odisha @Naveen_Odisha @CMO_Odisha @DGPOdisha

— ChiefSecyOdisha (@SecyChief) August 29, 2020

ସୂଚନାଯୋଗ୍ୟ ଯେ ଲଘୁଚାପଜନିତ ବର୍ଷା ଯୋଗୁଁ ରାଜ୍ୟର ପ୍ରମୁଖ ନଦୀ ମହାନଦୀ, ବ୍ରାହ୍ମଣୀ, ବୈତରଣୀ, ସୁବର୍ଣ୍ଣରେଖାରେ ବନ୍ୟା ଆସିଛି । ବିଶେଷକରି ଛତିଶଗଡ଼ରେ ପ୍ରବଳ ବର୍ଷା ଯୋଗୁଁ ହୀରାକୁଦର ୪୪ଟି ଗେଟ ଖୋଲାଯାଇଛି । ଏହା ଫଳରେ ଓଡ଼ିଶାର କଟକ,ଜଗତସିଂହପୁର, ପୁରୀ, ସମ୍ବଲପୁର, ବୌଦ୍ଧ ଆଦି ଜିଲ୍ଲାରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ସେହିପରି ବ୍ରାହ୍ମଣୀରେ ବନ୍ୟା ଯୋଗୁଁ ଯାଜପୁରରେ ସ୍ଥିତି ଚିନ୍ତାଜନକ ରହିଛି ।