ଭୁବନେଶ୍ୱର: ଅନ୍ୟ ରାଜ୍ୟର ଅକ୍ସିଜେନ ସଙ୍କଟକୁ ସମାଧାନ କରିବାକୁ ଏବେ ଜୋରସୋରରେ ଲାଗିପଡିଛନ୍ତି ଓଡ଼ିଶା ସରକାର | ଆଜି ପର୍ଯ୍ୟନ୍ତ ୬୭ଟି ଅକ୍ସିଜେନ ଟ୍ୟାଙ୍କର ଓଡ଼ିଶାରୁ ବିଭିନ୍ନ ରାଜ୍ୟକୁ ଗଲାଣି | ଓଡ଼ିଶା ପୁଲିସ ପକ୍ଷରୁ ଦିଆଯାଇଥିବା ସୂଚନା ମୁତାବକ ୬୭ଟି ଟ୍ୟାଙ୍କରରେ ସମୁଦାୟ ୧୨୬୮ ମେଟ୍ରିକ ଟନ ଅକ୍ସିଜେନ ବିଭିନ୍ନ ରାଜ୍ୟକୁ ଗଲାଣି | ରାଉରକେଲା, ଯାଜପୁର, ଢେଙ୍କାନାଳ ଓ ଅନୁଗୁଳରୁ ଅମ୍ଳଜାନ ଉତ୍ତରପ୍ରଦେଶ, ମଧ୍ୟପ୍ରଦେଶ, ହରିୟାଣା, ମହାରାଷ୍ଟ୍ର, ଆନ୍ଧ୍ରପ୍ରଦେଶ ଓ ତେଲେଙ୍ଗାନାକୁ ଯାଇଥିବାବେଳେ ଓଡ଼ିଶା ପୁଲିସ ପକ୍ଷରୁ ସ୍ୱତନ୍ତ୍ର କର୍ଡନ କରି ଟ୍ୟାଙ୍କର ଗୁଡିକୁ ଛଡାଯାଉଛି |
Sambad is now on WhatsApp
Join and get latest news updates delivered to you via WhatsApp
ଯେହେତୁ କିଛି ରାଜ୍ୟରେ ଅକ୍ସିଜେନ ଅଭାବରୁ ରୋଗୀଙ୍କ ଜୀବନ ସଂକଟଜନକ ଅବସ୍ଥାରେ ରହିଛି ତେଣୁ କିଭଳି ଅକ୍ସିଜେନ ଟ୍ୟାଙ୍କର ଗୁଡିକ ସୁରୁଖୁରୁରେ ଯାତାୟତ କରିପାରିବ ସେ ଦିଗରେ ଦୃଷ୍ଟି ଦିଆଯାଉଛି | ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ମୁତାବକ ଏଡିଜି ଯଶବନ୍ତ ଜେଠୱାଙ୍କ ନେତୃତ୍ୱରେ ଏକ ସ୍ୱତନ୍ତ୍ର ସେଲ ଗଠନ କରାଯାଇ କିଭଳି ଅକ୍ସିଜେନ ଟ୍ୟାଙ୍କର ଗୁଡିକ ପ୍ଲାଣ୍ଟରୁ ବାହାରି ସୁରୁଖୁରୁରେ ଗନ୍ତବ୍ୟ ସ୍ଥଳରେ ଯାଇପାରିବ ସେ ନେଇ ପଦକ୍ଷେପ ନିଆଯାଉଛି |
ଯେଉଁ ସବୁ ଜିଲ୍ଲା ଦେଇ ଟ୍ୟାଙ୍କରଗୁଡିକ ଯାଉଛନ୍ତି ସେଠାକାର ସ୍ଥାନୀୟ ପୁଲିସ ଏହି ଟ୍ୟାଙ୍କର ପ୍ରତି ଯେଭଳି କୌଣସି ଅସୁବିଧା ସୃଷ୍ଟି ନ ହୁଏ ସେଥିପ୍ରତି ଦୃଷ୍ଟି ଦେଉଛନ୍ତି |