ନୂଆପଡ଼ା: ଖଡ଼ିଆଳ ବନ ବିଭାଗକୁ ବଡ଼ ସଫଳତା ମିଳିଛି। ବନ ବିଭାଗର କର୍ମଚାରୀମାନେ ଅତର୍କିତ ଚଢ଼ଉ କରି ବନ୍ୟଜନ୍ତୁ ସାମଗ୍ରୀ ଚାଲାଣ ପାଇଁ ରଖାଯାଇଥିବା ୨ଟି ବାଘଛାଲକୁ ଜବତ କରିଛନ୍ତି। ଦୁଇଟି ସ୍ଥାନରେ ଚଢ଼ଉ କରି ୨ ଗୋଟି ବାଘଛାଲ ଓ ୬ଗୋଟି ମୋବାଇଲ ଫୋନ ଜବତ କରିବା ସହିତ ୭ ଜଣ ବେଆଇନ ବାଘଛାଲ ବ୍ୟବସାୟୀଙ୍କୁ ଗିରଫ କରିବାରେ ସଫଳ ହୋଇଛି।

Advertisment

publive-image

ବାଘଛାଲ କାରବାର ନେଇ ବନ ବିଭାଗକୁ ବିଶ୍ବସ୍ତ ସୂତ୍ରରୁ ସୂଚନା ମିଳିଥିଲା। ଏହି ସୂଚନା ଆଧାରରେ ବନ ବିଭାଗର କର୍ମଚାରୀମାନେ ଅତର୍କିତ ଚଢ଼ଉ କରିଥିଲେ। ଘଟଣାସ୍ଥଳରୁ ୭ ଜଣ ଅଭିଯୁକ୍ତଙ୍କୁ ବେଆଇନ ବାଘଛାଲ ବ୍ୟବସାୟ ଅଭିଯୋଗରେ ଗିରଫ କରି କୋର୍ଟ ଚାଲାଣ କରାଯାଇଥିବା ଖଡ଼ିଆଳ ବନବିଭାଗ ମହମ୍ମଦ ମୁସ୍ତାଫା ସାଲିହା ସୂଚନା ଦେଇଛନ୍ତି। ଅଭିଯୁକ୍ତମାନଙ୍କୁ ଖଡ଼ିଆଳ ଓ ବରପଦର ଛକ ଅଞ୍ଚଳରୁ ଗିରଫ କରାଯାଇଛି। ଏନେଇ ଆଜି ଖଡ଼ିଆଳ ବନ ବିଭାଗ ୩୮୯ ଏବଂ ୩୯୦ ଦୁଇଗୋଟି ମାମଲା ରୁଜୁ କରି ଘଟଣାର ଅଧିକ ତଦନ୍ତ କରୁଛି।