୩୫ ଡିଗ୍ରି ଉପରେ ୮ ସହର

ଭୁବନେଶ୍ବର: ଚଳିତବର୍ଷ ପ୍ରଥମ ଥର ପାଇଁ ଭୁବନେଶ୍ବର ସହରର ତାପମାତ୍ରା ୩୫ ଡିଗ୍ରି ଟପିଛି। ଏଠାରେ ଆଜି ଦିନର ସର୍ବୋଚ୍ଚ ତାପମାତ୍ରା ୩୫.୪ ଡିଗ୍ରି ରେକର୍ଡ ହୋଇଛି। ଏହାବ୍ୟତୀତ ଅନୁଗୁଳରେ ୩୫.୯, ଯାଜପୁରରେ ୩୫.୨, ବରଗଡ଼ରେ ୩୫.୧, ଖୋର୍ଦ୍ଧା, ଜଗତ୍‌ସିଂହପୁର, ଝାରସୁଗୁଡ଼ା ଓ ମାଲକାନଗିରିରେ ୩୫ ଡିଗ୍ରି ଲେଖାଏ ରହିଥିଲା। ଅନୁରୂପ ଭାବେ ରାତିର ତାପମାତ୍ରା ସ୍ବାଭାବିକଠାରୁ ଅଧିକ ରହିଛି।

ପୁରୀରେ ରାତିର ତାପମାତ୍ରା ୨୬.୪ ଡିଗ୍ରି ରେକର୍ଡ ହୋଇଥିବା ବେଳେ ପାରାଦୀପରେ ୨୪.୩, ଗୋପାଳପୁରରେ ୨୨.୫, ଛତ୍ରପୁରରେ ୨୨.୪, ଚାନ୍ଦବାଲିରେ ୨୨.୨, ଭୁବନେଶ୍ବରରେ ୨୧.୬, କଟକ ଓ ପାରଳାଖେମୁଣ୍ଡିରେ ୨୧ ଡିଗ୍ରି ଲେଖାଏଁ ରହିଥିଲା। ଆସନ୍ତା ୭ ଦିନ ପର୍ଯ୍ୟନ୍ତ ଓଡ଼ିଶାରେ ପାଗ ମୁଖ୍ୟତଃ ଶୁଖିଲା ରହିବାକୁ ଥିବା ଉତ୍ତର ଉପକୂଳ ଓଡ଼ିଶାରେ କୁହୁଡ଼ି ହୋଇପାରେ। ଆସନ୍ତା ଦୁଇ ଦିନ ମଧ୍ୟରେ ସର୍ବନିମ୍ନ ତାପମାତ୍ରା ୨ରୁ ୩ ଡିଗ୍ରି ହ୍ରାସ ପାଇବ ଏବଂ ପରବର୍ତ୍ତୀ ୩ ଦିନ ଯାଏଁ କୌଣସି ପରିବର୍ତ୍ତନ ହେବ ନାହିଁ ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ପୂର୍ବାନୁମାନ କରାଯାଇଛି।