୮୪.୨୯% କମ୍ ପର୍ଯ୍ୟଟକ ଓଡ଼ିଶା ଆସିଛନ୍ତି, ବିଦେଶୀ ପର୍ଯ୍ୟଟକ ସଂଖ୍ୟା ୯୯.୩୫% କମିଛି
ଭୁବନେଶ୍ବର : ରାଜ୍ୟକୁ ଯେପରି ଅଧିକ ପର୍ଯ୍ୟଟକ ଆସିବେ ସେଥିପାଇଁ ପର୍ଯ୍ୟଟନ ବିଭାଗ ପକ୍ଷରୁ ବିଭିନ୍ନ ପଦକ୍ଷେପ ନିଆଯାଇଛି। ପର୍ଯ୍ୟଟନସ୍ଥଳୀରେ ଭିତ୍ତିଭୂମି ସୁଦୃଢ କରିବା ସହ ସାମଗ୍ରିକ ବିକାଶ କରାଯାଉଛି। ଜୋରଦାର୍ ପ୍ରଚାର ପ୍ରସାର କରାଯାଉଛି। ହେଲେ ୨୦୨୦-୨୧ରେ ରାଜ୍ୟରେ ପର୍ଯ୍ୟଟକଙ୍କ ଆଗମନ କମିଛି। ୨୦୧୯-୨୦ ତୁଳନାରେ ୮୪.୨୯% କମ୍ ପର୍ଯ୍ୟଟକ ଓଡ଼ିଶା ଆସିଛନ୍ତି। ଏହି ବର୍ଷ ମାତ୍ର ୨୩,୭୭,୧୭୫ଜଣ ପର୍ଯ୍ୟଟକ ଓଡ଼ିଶା ଆସିଛନ୍ତି।
Sambad is now on WhatsApp
Join and get latest news updates delivered to you via WhatsApp
ବିଧାୟକ ପ୍ରଶାନ୍ତ ବେହେରାଙ୍କ ଏକ ତାରକା ପ୍ରଶ୍ନର ଉତ୍ତର ଦେଇ ପର୍ଯ୍ୟଟନ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ କହିଛନ୍ତି ଯେ, ୨୦୨୦-୨୧ରେ ରାଜ୍ୟ ଭିତରର ୧୪,୨୫,୭୭୦ଜଣ ପର୍ଯ୍ୟଟକ ବିଭିନ୍ନ ପର୍ଯ୍ୟଟନସ୍ଥଳୀକୁ ବୁଲି ଯାଇଥିବାବେଳେ ଗତବର୍ଷ ତୁଳନାରେ ଏହା ୮୪.୧୯% କମ୍। ସେହିପରି ରାଜ୍ୟ ବାହାରର ୯,୫୦,୭୫୩ଜଣ ପର୍ଯ୍ୟଟକ ଆସିଥିବାବେଳେ ଗତ ବର୍ଷ ତୁଳନାରେ ଏହା ୮୪.୧୯% କମ୍, ୬୫୯ଜଣ ବିଦେଶୀ ପର୍ଯ୍ୟଟକ ଆସିଥିବାବେଳେ ଏହା ଗତ ବର୍ଷ ତୁଳନାରେ ୯୯.୩୫% କମ୍।