ଛାତ୍ରୀ ଦୁଷ୍କର୍ମ ଓ ହତ୍ୟା ମାମଲାରେ ୯ ଗିରଫ
ଫୁଲବାଣୀ : ଫୁଲବାଣୀ ସଦର ଥାନା ଅନ୍ତର୍ଗତ ବହୁଚର୍ଚ୍ଚିତ ନାବାଳିକା ଛାତ୍ରୀ ଦୁଷ୍କର୍ମ ଓ ହତ୍ୟା ମାମଲାରେ ୯ ଜଣକୁ ଗିରଫ କରାଯାଇଛି। ଗିରଫ ହୋଇଥିବା ୯ ଜଣ ଅଭିଯୁକ୍ତ ହେଲେ ଡକାଙ୍ଗି ଗ୍ରାମର ରାଜେନ୍ଦ୍ର ମଲିକ, ଟୁକୁନା ମଲିକ, ଲମ୍ବୋଦର ମଲିକ, ଅନିଲ ମଲିକ, ବତି ବେହେରା, ଶୁକ୍ରୁ ମଲିକ, ସୁମନ ମଲିକ, ସାନନ୍ଦ ମଲିକ ଓ ବିଶ୍ବନାଥ ମଲିକ। ଏହା ପୂର୍ବରୁ ଜଣକୁ ପୁଲିସ ଗିରଫ କରିଥିଲା। ସମସ୍ତ ଗିରଫଙ୍କୁ କୋର୍ଟ ଚାଲାଣ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଫୁଲବାଣୀ ସଦର ଥାନା ଅନ୍ତର୍ଗତ ଗୌଡ଼ପଡ଼ା ଗ୍ରାମର ଜଣେ ୧୪ ବର୍ଷୀୟା ନାବାଳିକା ଛାତ୍ରୀଙ୍କୁ ଡକାଙ୍ଗି ଗାଁର ଯୁବକମାନେ ଦୁଷ୍କର୍ମ ଓ ହତ୍ୟା କରି ଆଇଟିଆଇ ଛକ ନିକଟସ୍ଥ ଏକ ଆମ୍ବ ଗଛରେ ଝୁଲାଇ ଦେଇଥିଲେ। ଏହି ଦୁଷ୍କର୍ମ ଓ ହତ୍ୟାକାଣ୍ଡକୁ ନେଇ ବିଭିନ୍ନ ମହଲରେ ପ୍ରତିକ୍ରିୟା ପ୍ରକାଶ ପାଇଥିଲା। ପୁଲିସ ଏହି ଘଟଣାକୁ ଚପାଇ ଦେବାକୁ ଉଦ୍ୟମ କରୁଥିବା ଅଭିଯୋଗ ହୋଇଥିଲା। ମାତ୍ର, କଂଗ୍ରେସ, ଏବିଭିପି ଏବଂ କୁଇ ସମାଜ ପକ୍ଷରୁ ଆନ୍ଦୋଳନ ଜୋରଦାର ହେବାରୁ ପୁଲିସ ଚାପରେ ପଡ଼ି ଶେଷରେ ୯ ଜଣଙ୍କୁ ଗିରଫ କରିଛି।