ପାଟଣାଗଡ଼: ବଲାଙ୍ଗୀର ଜିଲ୍ଲା ପାଟଣାଗଡ଼ ବ୍ଲକ ଅଫିସରେ ନିଆଁ ଲାଗିଥିବା ବେଳେ ଏଥିରେ କିଛି କାଗଜପତ୍ର ପୋଡି ଯାଇଥିବା ନେଇ ସୂଚନା ମିଳିଛି। ରାତିରେ କୌଣସି କାରଣରୁ ବ୍ଲକ ଅଫିସର ଗ୍ରାମୀଣ ବସ୍ତି ଉନ୍ନୟନ ବିଭାଗରୁ ଧୁଆଁ ବାହାରୁଥିବା ନେଇ କିଛି ଲୋକ ଦେଖିଥିଲେ। ପରେ ବିଡିଓଙ୍କୁ ଏ ନେଇ ଖବର ଦେଇଥିଲେ। ଦମକଳବାହନିଙ୍କୁ ଖବର ଦିଆ ଯାଇଥିଲା। ନିଆଁକୁ କାବୁ କରା ଯାଇଥିବା ଜଣାପଡିଛି।
Sambad is now on WhatsApp
Join and get latest news updates delivered to you via WhatsApp
ନିଆଁ ଲିଭାଯିବା ପୂର୍ବରୁ ଉକ୍ତ କୋଠରୀରେ ଥିବା କିଛି କାଗଜପତ୍ର ସହ ଏକ କମ୍ପ୍ୟୁଟର ସର୍ଟ ସର୍କିଟ ଦ୍ବାରା ପୋଡି ଯାଇଥିବା ନେଇ ଚର୍ଚ୍ଚା ହେଉଛି। ଏ ସମ୍ପର୍କରେ ବିଡିଓ ନୀଳମାଧବ ସୁନାଙ୍କୁ ପଚରାଯିବାରୁ ସେ, କୌଣସି କାରଣରୁ ସର୍ଟ ସର୍କିଟ ହୋଇ କିଛି ମାତ୍ରାରେ ଧୂଆଁ ବାହାରୁଥିବା ନେଇ ଜାଣିବା ପରେ ତାକୁ ତୁରନ୍ତ ଲିଭା ଯାଇଥିବା ନେଇ କହିଥିଲେ।