ଭିନ୍ନକ୍ଷମ ବାଳିକାଙ୍କୁ ଦୁଷ୍କର୍ମ; ଯୁବକ ଗିରଫ

ସାରନଗରୀ: ଜଣେ ଭିନ୍ନକ୍ଷମ ନାବାଳିକା(୧୩)ଙ୍କୁ ଜୋରଜବରଦସ୍ତ ଦୁଷ୍କର୍ମ କରିବା ଅଭିଯୋଗରେ ଟାଙ୍ଗରପାଲି ପୁଲିସ କଇଥବସା ଗ୍ରାମର ମାର୍ଟିନ୍‌(୨୦)କୁ ଗିରଫ କରି କୋର୍ଟ ଚାଲାଣ କରିଛି। ରବିବାର ରାତିରେ କଇଥବସାର ଏକ ଅନ୍ଧାରୁଆ ଡ୍ରେନ୍‌ ନିକଟରେ ନାବାଳିକାଙ୍କୁ ଟେକି ନେଇ ଦୁଷ୍କର୍ମ କଲାବେଳେ ସ୍ଥାନୀୟ କିଛି ପିଲା ତାକୁ କାବୁ କରି ଟାଙ୍ଗରପାଲି ପୁଲିସର ଜିମା ଦେଇଥିଲେ।

ପୁଲିସ ଆଜି ଉଭୟ ପୀଡ଼ିତା ଓ ଅଭିଯୁକ୍ତର ଡାକ୍ତରୀମାଇନା କରିବା ପରେ ମାଟିନ୍‌କୁ କୋର୍ଟ ଚାଲାଣ କରିଥିଲା। ଜାମିନ ନାମଞ୍ଜୁର ହେବାରୁ ଅଭିଯୁକ୍ତକୁ ଜେଲ ହାଜତକୁ ପଠାଇଦିଆଯାଇଛି।