ଚିକେନ୍ ତରକାରୀ କରି ନଥିବାରୁ ପିଟି ପିଟି ସ୍ତ୍ରୀଙ୍କ ଜୀବନ ନେଲା ନୃଶଂସ ସ୍ବାମୀ

ଢେଙ୍କାନାଳ: ଚିକେନ୍ ତରକାରୀକୁ ନେଇ ଢେଙ୍କାନାଳ ଗଁନ୍ଦିଆ ଥାନା ଅନ୍ତର୍ଗତ ଧନିଆଁ ନାଳୀ ଗ୍ରାମର ମୁଣ୍ତାସାହିରେ ତୁମୁଳକାଣ୍ଡ ଘଟିଛି। ଚିକେନ୍ ତରକାରୀ କରି ନଥିବାରୁ ସ୍ତ୍ରୀଙ୍କୁ ପିଟି ପିଟି ନିର୍ମମ ଭାବେ ହତ୍ୟା କରିଛି ନୃଶଂସ ସ୍ବାମୀ।

ଏଭଳି ଏକ ବୀଭତ୍ସ ହତ୍ୟାକାଣ୍ଡ ଘଟିଛି। ମୃତ ମହିଳା ହେଉଛନ୍ତି ଧନିଆଁ ନାଳୀ ମୁଣ୍ଡା ସାହିର କୁନି ମୁଣ୍ଡା । ପୁଲିସ ଅଭିଯୁକ୍ତ ସ୍ବାମୀ ଜେନା ମୁଣ୍ଡାଙ୍କୁ ଗିରଫ କରିଛି। 

ସୂଚନା ଅନୁଯାୟୀ, ରବିବାର ରାତିରେ ଜେନା ମୁଣ୍ଡା ଚିକେନ ଆଣିବାକୁ ସ୍ତ୍ରୀ କୁନି ମୁଣ୍ଡାଙ୍କୁ ଶହେ ଟଙ୍କା ଦେଇ କୌଣସି କାମରେ ବାହାରକୁ ଚାଲିଯାଇଥିଲେ। ହେଲେ ଫେରିବାବେଳକୁ ଘରେ ଚିକେନ୍ ତରକାରୀ ହୋଇ ନଥିବା ଦେଖି କୁନିଙ୍କ ସହ ଝଗଡ଼ା କରିଥିଲେ। ଆଉ ରାଗରେ କୁନିଙ୍କୁ ପିଟି ପିଟି ହତ୍ୟା କରିଥିଲେ। 

ଅଧିକ ପଢ଼ନ୍ତୁ: ଫ୍ରାନ୍ସରେ ଥିବା ରୁଷ କନସୁଲେଟ ନିକଟରେ ବିସ୍ଫୋରଣ

ସୋମବାର ଖବର ପାଇ ଗଁନ୍ଦିଆ ଥାନା ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି। ଏହା ସହ ମୃତ ମହିଳାଙ୍କ ଭାଇଙ୍କ ଅଭିଯୋଗ ଆଧାରରେ ଗଁନ୍ଦିଆ ଥାନାରେ ଏକ ହତ୍ୟା ମାମଲା ରୁଜୁ କରି ପୁଲିସ ତଦନ୍ତ ଜାରି ରଖିଛି। ଘଟଣାସ୍ଥଳରେ ଫରେନସିକ୍ ଟିମ୍‌ ମଧ୍ୟ ପହଞ୍ଚିଛି।  ଘଟଣା ପରେ ଘରୁ ପଳାଇଥିବା ସ୍ୱାମୀଙ୍କୁ ପୁଲିସ ଗିରଫ କରିଛି। 

ଅଧିକ ପଢ଼ନ୍ତୁ: ମହାଶିବରାତ୍ରି: ରାତି ୧୦ଟାରେ ଲିଙ୍ଗରାଜ ମନ୍ଦିରରେ ଉଠିବ'ମହାଦୀପ'