ଓଲଟିଲା ସିମେଣ୍ଟ ବୋଝେଇ ଟ୍ରକ୍: ଜଣେ ମୃତ, ୭ ଶ୍ରମିକ ଆହତ
ରାଉରକେଲା : ସୁନ୍ଦରଗଡ଼ ଜିଲ୍ଲାର ନୂଆଗାଁରୁ ଝାଡ଼ଖଣ୍ଡ ଓଡଗାଁ ଯାଉଥିବା ସିମେଣ୍ଟ ବୋଝେଇ ଟ୍ରକ ଭାରସାମ୍ୟ ହରାଇ ଓଲଟିପଡ଼ିଛି l ଏହାଫଳରେ ଘଟଣା ସ୍ଥଳରେ ଜଣେ ଶ୍ରମିକଙ୍କ ମୃତ୍ୟୁ ହୋଇଛି l ଅନ୍ୟ ସାତ ଶ୍ରମିକ ଆହତ ହୋଇଛନ୍ତି l ଆହତମାନଙ୍କୁ ପ୍ରଥମେ ହାତିବାରୀ ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ର ଓ ପରେ ରାଉରକେଲା ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି l
Sambad is now on WhatsApp
Join and get latest news updates delivered to you via WhatsApp
ମୃତକ ଜଣକ ହେଲେ ନୂଆଗାଁର ସାମଲ ଳୁଗୁନ (୩୦)l ଆହତମାନେ ହେଲେ ନୂଆଗାଁର ମହେଶ ଳୁଗୁନ,ମଙ୍ଗଳ ଳୁଗୁନ, ସଲ ଳୁଗୁନ,ସୁରେଶ ଲୁଗୁନ,ରାହୁଲ ସାହୁ,ଲେଥା ହେମ୍ବ୍ରମ,ସତୀଶ ତେଲ l ଘଟଣାସ୍ଥଳରୁ ଟ୍ରକ୍ ଚାଳକ ଫେରାର ହୋଇଯାଇଛି l
ହାତୀବାରୀ ପୁଲିସ ଦୁର୍ଘଟଣାଗ୍ରସ୍ତ ଟ୍ରକକୁ ଜବତ କରି ଘଟଣାର ତଦନ୍ତ ଚଳାଇଛି l ଆଜି ସକାଳ ପ୍ରାୟ ଦଶଟାରେ ନୂଆଗାଁ ମାର୍କେଟରୁ ସିମେଣ୍ଟ ବୋଝେଇ ଟ୍ରକ ଝାଡ଼ଖଣ୍ଡ ଓଡଗାଁ ଅଭିମୁଖେ ବାହାରିଥିଲା l ଘଣ୍ଟାକ ପରେ ପୁରୁଣାପାଣି ଦେଓନଦୀ ଗୋଟିଟାଙ୍ଗର ଛକ ନିକଟରେ ଭାରସାମ୍ୟ ହରାଇ ରାସ୍ତା କଡ଼ରେ ଓଲଟି ସିମେଣ୍ଟ ବସ୍ତା ତଳେ ଚାପି ହୋଇ ରହି ଯାଇଥିଲେ l ସ୍ଥାନୀୟ ଲୋକ ସମସ୍ତ ଶ୍ରମିକଙ୍କୁ ସିମେଣ୍ଟ ବସ୍ତା ତଳୁ ଉଦ୍ଧାର କରିଥିଲେ l