ବାଲିପାଟଣା : କମିସନରେଟ ପୁଲିସ ଅଧୀନ ବାଲିପାଟଣା ଥାନା ବନମାଳୀପୁର ଫାଣ୍ଡି ଅଧୀନ ଭାପୁର ପଞ୍ଚାୟତ ବେଲେଶ୍ୱର ମନ୍ଦିର
ନିକଟରେ ଗତକାଲି ବିଳମ୍ବିତ ରାତିରେ ଦୁର୍ଘଟଣା ରେ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ନାବାଳକ ଗୁରୁତର ଆହତ ହୋଇ ଚିକିତ୍ସାଧୀନ ଅଛନ୍ତି। ଖବର ପାଇ ବାଲିପାଟଣା ପୁଲିସ ଘଟଣା ସ୍ଥଳରେ ପହଞ୍ଚି ସେମାନଙ୍କୁ ଉଦ୍ଧାର କରି ବାଲିପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି କରିଥିଲା।ଜଣଙ୍କୁ ଡାକ୍ତର ମୃତ ଘୋଷଣା କରିଥିବା ବେଳେ ଗୁରୁତରଙ୍କୁ କ୍ୟାପିଟାଲ ହସ୍ପିଟାଲ ପଠାଇ ଦିଆଯାଇଛି। ସେମାନଙ୍କ ପରିଚୟ ମିଳି ପାରି ନାହିଁ।

Advertisment

ବାଇକ ନଂ ଓଆର ୧୩ ବି ୫୫୦୨ରେ ୨ ଜଣ ବ୍ୟକ୍ତି ବିଳମ୍ବିତ ରାତିରେ କୌଣସି କାମରେ ବନମାଳୀପୁର ଅଭିମୁଖେ ଆସୁଥିଲେ। ବନମାଳୀପୁର ନୂଆଗାଁ ରାସ୍ତା ସମ୍ପ୍ରସାରଣ ହେତୁ ପ୍ରାଚୀ ନଦୀ ଉପରେ ନୂତନ ବ୍ରିଜ ନିର୍ମାଣ ହେଉଛି। ଅସାବଧାନତା ଯୋଗୁଁ ସେହି ସ୍ଥାନରେ ଭାରସାମ୍ୟ ହରାଇ ବାଇକ ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡିଛି।