ଟ୍ରକ୍ ପଛରେ ପିଟିହେଲା ବାଇକ୍, ଆରୋହୀ ମୃତ
ନୂଆପଡ଼ା: ନୂଆପଡ଼ା ଜିଲ୍ଲା ଲଖନା ଥାନା ଘାଟିପଡ଼ାଠାରେ ସୋମବାର ରାତି ୧୦ଟାରେ ଟ୍ରକ୍ ପଛପଟେ ବାଇକ୍ ପିଟି ହେବାରୁ ଆରୋହୀ ଦୀନେଶ ତାଣ୍ଡି (୨୭ବର୍ଷ)ଙ୍କ ମୃତ୍ୟୁ ଘଟିଛି। ନୂଆପଡ଼ା ଏନ୍ଏସି ଅନ୍ତର୍ଗତ ସିରତୋଲର ଦୀନେଶ ବାଇକ୍ (ସିଜି ୦୪ କେଟି ୦୭୪୪)ରେ ଘାଟିପଡ଼ାର ଜଣେ ବ୍ୟକ୍ତିଙ୍କୁ ଛାଡ଼ି ଘରକୁ ଫେରୁଥିଲେ।
Sambad is now on WhatsApp
Join and get latest news updates delivered to you via WhatsApp
ଘାଟିପଡ଼ା ଛକ ନିକଟରେ ଏକ ଟ୍ରକ୍ ପଛପଟେ ତାଙ୍କ ବାଇକ୍ ପିଟି ହୋଇଥିଲା। ଫଳରେ ସେ ଗୁରୁତର ଆହତ ହୋଇଥିଲେ। ଆମ୍ବୁଲାନ୍ସ ଯୋଗେ ତାଙ୍କୁ ଚିକିତ୍ସା ପାଇଁ ନୂଆପଡ଼ା ମୁଖ୍ୟ ଡାକ୍ତରଖାନକୁ ଅଣାଯାଇଥିଲା। ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଲଖନା ଥାନା ପୁଲିସ ଘଟଣାସ୍ଥଳରେ ପହଞ୍ଚି ଟ୍ରକ୍କୁ ଜବତ କରିବା ସହ ଏକ ମାମଲା ରୁଜୁ କରିଛି। ମଙ୍ଗଳବାର ଶବ ବ୍ୟବଚ୍ଛେଦ କରାଯିବ ବୋଲି ଥାନା ଅଧିକାରୀ ଗୁରୁଦେବ କର୍ମୀ ସୂଚନା ଦେଇଛନ୍ତି।