ସମ୍ବଲପୁର: ଆଜି ସକାଳେ ସମ୍ବଲପୁରର ଧନୁପାଲି ଥାନା ଅନ୍ତର୍ଗତ ସାରଳାକାନି ଛକରେ ଏକ ମର୍ମନ୍ତୁଦ ଦୁର୍ଘଟଣା ଘଟିଥିବାର ଖବର ମିଳିଛି। ଏଠାରେ ପୁଅ ଆଖି ଆଗରେ ମାଙ୍କର ମୃତ୍ୟୁ ହୋଇଥିବା ଜଣାଯାଇଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ସମ୍ବଲପୁର- ଦେବଗଡ଼ ଜାତୀୟ ରାଜପଥରେ ମର୍ମନ୍ତୁଦ ଦୁର୍ଘଟଣା ଘଟିଛି। ଧନୁପାଲି ଥାନା ଅନ୍ତର୍ଗତ ସାରଳାକାନି ଛକ ଦେଇ ସମ୍ବଲପୁର ଆଡ଼କୁ ଏକ ବାଇକ (ଓଆର୍-୧୫ ପି ୯୬୭୯) ରେ ମା ଓ ପୁଅ ଆସୁଥିଲେ। ସେଠାରେ ଏକ ହମ୍ପସ ପାଖରେ ମା ଅସାବଧାନତାବଶତଃ ବାଇକରୁ ଖସିପଡ଼ିଥିଲେ। ପଛପଟରୁ ଆସୁଥିବା ଏକ ଟ୍ରକ୍ ଉକ୍ତ ମହିଳାଙ୍କ ଉପରେ ଚଢ଼ିଯାଇଥିଲା। ଏହାଫଳରେ ଘଟଣାସ୍ଥଳରେ ମହିଳାଙ୍କର ମୃତ୍ୟୁ ହୋଇଥିଲା। ଏହି ମା ଓ ପୁଅଙ୍କର ପରିଚୟ ମିଳିନାହିଁ। ତେବେ ଖବର ପାଇ ଧନୁପାଲି ଥାନା ପୁଲିସ ଘଟଣାସ୍ଥଳରେ ପହଞ୍ଚି ଶବକୁ ଜବତ କରିବା ସହ ବ୍ୟବଚ୍ଛେଦ ଲାଗି ପଠାଇଛି। ଏହି ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି।