ଅଜଣା ଗାଡ଼ି ଧକ୍କାରେ ବୃଦ୍ଧଙ୍କ ମୃତ୍ୟୁ

ରାମଚନ୍ଦ୍ରପୁର: ଅଜଣା ଗାଡ଼ି ଧକ୍କାରେ ଜଣେ ବୃଦ୍ଧଙ୍କ ମୃତ୍ୟୁ ଘଟିଛି ।  ଏଭଳି ଏକ ଘଟଣା ଘଟିଛି କେନ୍ଦୁଝର ଜିଲ୍ଲା ଘଷିପୁରା ବ୍ଲକ ରାମଚନ୍ଦ୍ରପୁର ଥାନା ଅନ୍ତର୍ଗତ ୨୦ନମ୍ବର ଜାତୀୟ ରାଜପଥ ହସନପୁର ଟୋଲ ଗେଟ୍ ନିକଟରେ । ରାସ୍ତା ପାର ହେଉଥିବା ବେଳେ  ପଛ ପଟୁ ଏକଗାଡ଼ି ଧକ୍କା ଦେଇ ଚାଲିଯାଇଥିଲା । ଗୁରତର ଅବସ୍ଥାରେ ସ୍ଥାନୀୟ ଲୋକେ ଜାତୀୟ ରାଜପଥ ଆମ୍ବୁଲାନ୍ସ ଯୋଗେ ତାଙ୍କୁ ଆନନ୍ଦପୁର ଉପଖଣ୍ଡ ମେଡିକାଲରେ ଭର୍ତ୍ତି କରିଥିଲେ।

ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ।  ମୃତ ବୃଦ୍ଧ ବ୍ୟକ୍ତି ଜଣକ ସ୍ଥାନୀୟ ହସନପୁର ଗ୍ରାମର ପାଗଳ ସାହୁ(୭୫)।  ଖବର ପାଇ ସ୍ଥାନୀୟ ଲୋକ ପହଞ୍ଚି  ରାସ୍ତା ଅବରୋଧ କରିବାରୁ ଘଟଣା ସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ପରେ ସାଇଁକୁଳ ଫାଣ୍ଡି ଅଧିକାରୀ ରବୀନ୍ଦ୍ର ମୁଣ୍ଡାରୀ ପହଞ୍ଚି ଲୋକଙ୍କୁ ବୁଝାସୁଝା କରି ଦୁର୍ଘଟଣାର ତଦନ୍ତ ଆରମ୍ଭ କରିଥିବା ଜଣା ପଡ଼ିଛି।