ପୁରୀ: ପୁରୀ ତାଳବଣିଆ ଥାନାରେ ଅଟକ ଥିବା ଜଣେ ଅଭିଯୁକ୍ତ ହାଜତ ଭିତରେ ହାତ ଓ ବେକ କାଟିବା ଘଟଣା ଚାଞ୍ଚଲ୍ୟ ଖେଳାଇଦେଇଛି।
ମିଳିଥିବା ସୂଚନା ଅନୁଯାୟୀ, ହାଜତ ଭିତରେ ହାତ ଓ ବେକ କାଟି ବାଲିଗୁଆଳିର କାବୁ ପ୍ରଧାନ ଗୁରୁତର ଆହତ ହୋଇଛନ୍ତି। ତାଙ୍କ ବେକ ଓ କଚଟିରେ କ୍ଷତ ହୋଇଛି। କୌଣସି ଏକ ଧାରୁଆ ଅସ୍ତ୍ରରେ କଟାଯାଇଛି। ସେ ନିଜେ ଉଦ୍ୟମ କରିଛନ୍ତି କି ଅଟକ ଥିବା ଅନ୍ୟ ୪ ଜଣ ଡକାୟତ ଏଭଳି କରିଛନ୍ତି ତାହା ପୁଲିସ ସ୍ପଷ୍ଟ କରିନାହିଁ। ସେମାନଙ୍କୁ ଏକ ଡକାୟତି ମାମଲାରେ ଅଟକ ରଖାଯାଇଥିବା ପୁଲିସ ସୂଚନା ଦେଇଛି।