ଦେବଗଡ଼ : ଏସିଡ୍‌ ମାଡ଼ରେ ଦେବଗଡ଼ ପୌରାଞ୍ଚଳ ରଜାମୁଣ୍ଡା ମୁଣ୍ଡାସାହିର ସିକନ ପ୍ରଧାନ ଗୁରୁତର ଆହତ ହୋଇଛନ୍ତି।

Advertisment

ସୂଚନା ଅନୁଯାୟୀ, ସିକନ ସୋମବାର ରାତିରେ ନିଜ ଘରପାଖ ଛକରେ ମୋବାଇଲ୍‌ ଫୋନ୍‌ରେ କଥା ହେଉଥିବା ବେଳେ ୩ ଜଣ ଦୁର୍ବୃତ୍ତ ଆସି ଏସିଡ୍‌ ମାଡ଼କରି ଘଟଣାସ୍ଥଳରୁ ଫେରାର ହୋଇ ଯାଇଥିଲେ। ସିକନ ନିଜ ଘରକୁ ଆସି ପରେ ପରିବାର ଲୋକଙ୍କୁ ଘଟଣା ସଂପର୍କରେ ଜଣାଇଥିଲେ। ତାଙ୍କୁ ପରିବାର ଲୋକ ଦେବଗଡ଼ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ଏସିଡ୍‌ ମାଡ଼ ଯୋଗୁଁ ତାଙ୍କ ମୁହଁ ଓ ହାତରେ ଆଘାତ ଲାଗିଛି। ତେବେ, କେଉଁ କାରଣରୁ ତାଙ୍କ ଉପରକୁ ଦୁର୍ବୃତ୍ତମାନେ ଏସିଡ୍‌ ମାଡ଼କଲେ, ସେ ନେଇ କାରଣ ଅସ୍ପଷ୍ଟ ରହିଛି।