ଅତିରିକ୍ତ ମୁଖ୍ୟଯନ୍ତ୍ରୀ ନିହାରରଞ୍ଜନ ଦାଶ ଓ ସ୍ତ୍ରୀଙ୍କୁ ସାମ୍ନାସାମ୍ନି ଜେରା କରିବ ଭିଜିଲାନ୍ସ
ଭୁବନେଶ୍ବର: ଅତିରିକ୍ତ ମୁଖ୍ୟଯନ୍ତ୍ରୀ ନିହାରରଞ୍ଜନ ଦାଶଙ୍କୁ ରିମାଣ୍ଡରେ ନେବା ପରେ ପ୍ରଥମ ଦିନରେ ଭିଜିଲାନ୍ସକୁ ବହୁ ଗୁରୁତ୍ୱପୂର୍ଣ୍ଣ ସୂଚନା ମିଳିଛି। ଚଢ଼ାଉ ବେଳେ ୩୮ଟି କ୍ରିପ୍ଟ ୱାଲେଟ ମିଳିଥିବା ବେଳେ ଗତକାଲି ଆହୁରି ୫୦ଟି ମିଳିଛି। ମୁମ୍ବାଇରୁ ଆସି ଖୋଳତାଡ଼ କ୍ରିପ୍ଟ କରେନ୍ସି ଏକ୍ସପର୍ଟ କରୁଛନ୍ତି। ସ୍ତ୍ରୀଙ୍କ ନାଁ ରେକ୍ରିପ୍ଟୋ କରେନ୍ସିରେ ବିନିଯୋଗ ହୋଇଥିଲା ୬ କୋଟି ଟଙ୍କା। ଆଜି ସ୍ବାମୀ-ସ୍ତ୍ରୀଙ୍କୁ ସାମ୍ନାସାମ୍ନି ଜେରା କରିବ ଭିଜିଲାନ୍ସ। ସମ୍ବଲପୁର, ବରଗଡ଼ ଓ ଭୁବନେଶ୍ୱରରେ ହୋଇଥିଲା ମାରାଥନ ଚଢ଼ାଉ। ଭିଜିଲାନ୍ସ ପୁଅ ନାଁ ରେ ସେୟାର ମାର୍କେଟରେ ଟଙ୍କା ଲାଗିଥିବା ପ୍ରମାଣ ପାଇଛି। କିଛି ସ୍କାନର ଓ ୱେବସାଇଟ ଲିଙ୍କକୁ ନେଇ ବି ଖୋଳତାଡ଼ ଚାଲିଛି।
Sambad is now on WhatsApp
Join and get latest news updates delivered to you via WhatsApp
ଗ୍ରାମ୍ୟ ଜଳଯୋଗାଣ ଓ ପରିମଳ ବିଭାଗ(ଆର୍ଡବ୍ଲୁଏସ୍ଏସ୍) ଭୁବନେଶ୍ୱର ସର୍କଲର ଅତିରିକ୍ତ ମୁଖ୍ୟଯନ୍ତ୍ରୀ ନିହାର ରଞ୍ଜନ ଦାଶଙ୍କୁ ୩ ଦିନିଆ ରିମାଣ୍ଡରେ ଆଣିଛି ଭୁବନେଶ୍ୱର ଭିଜିଲାନ୍ସ ଡିଭିଜନ। ରିମାଣ୍ଡ ଲାଗି ଅନୁମତି ଦେଇଛନ୍ତି ଭିଜିଲାନ୍ସ କୋର୍ଟ। ରିମାଣ୍ଡରେ ଆଣି ନିହାର ରଞ୍ଜନ ଦାସଙ୍କ ଭିଜିଲାନ୍ସ କ୍ରିପ୍ଟୋ କରେନସିରେ ଲାଗିଥିବା କୋଟି କୋଟି ଟଙ୍କାର ଖୋଳତାଡ଼ କରୁଥିବା ଜଣାଯାଇଛି।
ସୂଚନାଯୋଗ୍ୟ, ଗତ ମାସ ୨୮ ତାରିଖରେ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ନିହାର ଭିଜିଲାନ୍ସ ଦ୍ବାରା ଶନିବାର ଗିରଫ ହୋଇଥିଲେ। ଭିଜିଲାନ୍ସ ଏସ୍ପି ଅନୁପମା ଜେମ୍ସଙ୍କ କହିବା ଅନୁଯାୟୀ ୩. ୯୬ କୋଟି ଟଙ୍କା ଆୟ ବହିର୍ଭୂତ ସମ୍ପତ୍ତି ଠାବ ହୋଇଛି। ଏହା ତାଙ୍କ ଆୟ ଠାରୁ ୨୭୫ ପ୍ରତିଶତ ଅଧିକ। ଅନ୍ୟପଟେ ନିହାରଙ୍କ ଲିଙ୍କ୍ ନେଇ ସମ୍ବଲପୁରର ଏକାଧିକ ସ୍ଥାନରେ ଭିଜିଲାନ୍ସ ଟିମ୍ ଚଢ଼ଉ କରିଥିଲା। ସମ୍ବଲପୁରର ଜଣେ ଠିକାଦାରଙ୍କର ସହ ତାଙ୍କର ଲିଙ୍କ୍ ମିଳିବା ପରେ ଭିଜିଲାନ୍ସ ଠିକାଦାରଙ୍କ ଘରେ ଓ କାର୍ଯ୍ୟାଳୟରେ ଚଢ଼ାଉକରି ବିଭିନ୍ନ କାଗଜପତ୍ର ଜବତ କରିଛି। ତେବେ ନିହାରଙ୍କ କଳା ସାମ୍ରାଜ୍ୟ ଭିତରେ ଠିକାଦାର ଜଣକ କିଭଳି ଭାବେ ସମ୍ପୃକ୍ତ ଥିଲେ ତାହା ସ୍ପଷ୍ଟ ହୋଇନାହିଁ।