୫ବର୍ଷପରେ ମହିଲା ବିଚାରପତିଙ୍କୁ ମଳିଲା ନ୍ୟାୟ: ଅନୁପମା ବେହେରା ହତ୍ୟା ମାମଲା
ଭୁବନେଶ୍ୱର: ଅନୁପମା ବେହେରା ହତ୍ୟା ମାମଳାରେ ଆଜି କଟକ ପ୍ରଥମ ଏଡିଜେ କୋର୍ଟ ରାୟ ଶୁଣାଇଛନ୍ତି । ବାଲେଶ୍ୱରରେ କାଯ୍ୟର୍ରତ ମାଜିଷ୍ଟ୍ରେଟ୍ ଅନୁପମା ବେହେରାଙ୍କ ହତ୍ୟା ମାମଲାରେ ଦୁଇ ଭାଇ ଜ୍ୟୋତିରଞ୍ଜନ ମାହାନ୍ତି ଓ ପ୍ରିୟରଞ୍ଜନଙ୍କୁ ଦୋଷୀ ସାବ୍ୟସ୍ତ କରିବା ସହ ଆଜୀବନ କାରାଦଣ୍ଡର ସଜ୍ଜା ଶୁଣାଇଛନ୍ତି ଏଡିଜେ କୋଟ । ଏହି ଘଟଣାରେ ପ୍ରତ୍ୟେକ୍ଷଦର୍ଶୀ ନଥିଲେ କିନ୍ତୁ ଚତୁପାର୍ଶ୍ୱର ପ୍ରମାଣ ଓ ଅଭିଯୁକ୍ତର ଟିପ ଚିହ୍ନ, ୨୭ଜଣ ସାକ୍ଷାଙ୍କ ବୟାନକୁ ଆଧାର କରି କୋର୍ଟ ଏହି ରାୟ ଶୁଣାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ପୁଲିସ କୋର୍ଟରେ ଦେଇଥିବା ସୂଚନା ଅନୁଯାଇ, ଅନୁପମା ନୟାଗଡ ଜ୍ଜିଲ୍ଲା ରଣପୁର କୋର୍ଟରେ ମାଜିଷ୍ଟ୍ରେଟ୍ ଥିବା ସମୟରେ ସେଠାରେ ପେସ୍କାରେ କାମ କରୁଥିବା ଜ୍ୟୋତିରଞ୍ଜନଙ୍କ ସହ ତାଙ୍କର ପ୍ରେମ ସମ୍ପର୍କ ଗଢିଉଠିଥିଲା । ଉଭୟ ବିଭାହିତ ଥିବା ସତ୍ୱେ ପରସ୍ପରକୁ ଭଲ ପାଇବସିଥିଲେ । ଧିରେ ଧିରେ ଉଭୟଙ୍କ ପ୍ରେମ ସମ୍ପକ ନିବିଡ ହେବାରେ ଲାଗିଲା, କିନ୍ତୁ ଅନ୍ୟପଟେ ଜ୍ୟୋତିରଞ୍ଜନଙ୍କ ଏହି ସମ୍ପର୍କକୁ ନେଇ ତାଙ୍କ ପରିବାରରେ ଅଶାନ୍ତି ଦେଖାଦେଇଥିଲା । ଶେଷରେ ଅନୁପମାଙ୍କୁ ରାସ୍ତାରୁ ହଟାଇବା ପାଇଁ ଜ୍ୟୋତିରଞ୍ଜନ ଓ ତାଙ୍କ ସାନଭାଇ ପ୍ରିୟରଞ୍ଜନ ଏକ ଯୋଜନା ପ୍ରସ୍ତୁତ କରିଥିଲେ । ମାର୍ଚ୍ଚ ୧୫ ତାରିଖ ୨୦୧୩ରେ ପ୍ରିୟରଞ୍ଜନ ଅନୁପମାଙ୍କ ସରକାରୀ ବାସଭବନକୁ ଯାଇ ତାଙ୍କୁ ଅତି ନିମ୍ମର୍ମ ଭାବରେ ହତ୍ୟା କରିଥିଲେ । ହେଲେ ଏହାର ଦୁଇ ଦିନ ପରେ ଦୁଇ ଭାଇ ପୁଲିସ ହାତରେ ଧରା ପଡିଯାଇଥିଲେ । ତେବେ ଘଟଣାକୁ ୫ବର୍ଷ ପରେ ଅନୁପମାଙ୍କୁ ନ୍ୟାୟ ମିଳିଛି ବୋଲି ତାଙ୍କ ଭାଇ ସନ୍ତୋଷ କହିଛନ୍ତି ।