କେନ୍ଦୁଝରରେ ମାଡ଼ୁଛି କରୋନା: ପୁଣି ୫୫ ଆକ୍ରାନ୍ତ ଚିହ୍ନଟ
କେନ୍ଦୁଝର : କେନ୍ଦୁଝର ଜିଲ୍ଲାରେ ଗତ ସପ୍ତାହକ ମଧ୍ୟରେ ୨୩୦ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ପୁଣି ଆଜି ୫୫ ଜଣ ସଂକ୍ରମିତ ହୋଇଥିବା ଜଣାଯାଇଛି। ଏହା ସମସ୍ତଙ୍କ ଚିନ୍ତା ବଢାଇ ଦେଇଛି। ଆଜିର ୫୫ ଜଣଙ୍କୁ ମିଶାଇ ଜିଲ୍ଲାରେ ମୋଟ ୮ ହଜାର ୩୭୨ ଜଣ ସଂକ୍ରମିତ ହୋଇସାରିଲେଣି। ସେମାନଙ୍କ ମଧ୍ୟରୁ ୮ ହଜାର ୮୪ ଜଣ ସୁସ୍ଥ ହୋଇଛନ୍ତି। ବର୍ତ୍ତମାନ ଜିଲ୍ଲାରେ ୨୫୨ ଜଣ କରୋନା ଆକ୍ରାନ୍ତ ଅଛନ୍ତି।
Sambad is now on WhatsApp
Join and get latest news updates delivered to you via WhatsApp
ଗତ ୨୪ ଘଣ୍ଟା ମଧ୍ୟରେ ଜିଲ୍ଲାରେ ୧ ହଜାର ୩୮୫ ଜଣଙ୍କ ନମୁନା ପରୀକ୍ଷା ହୋଇଥିବା ବେଳେ ସେଥିରୁ ଆଜି ଚିହ୍ନଟ ହୋଇଥିବା ୫୫ ଜଣ ଅଛନ୍ତି। ଏଥି ମଧ୍ୟରେ କେନ୍ଦୁଝରଗଡ଼ ପୌରପାଳିକାରୁ ବିଭିନ୍ନ ୱାର୍ଡରୁ ୨୧ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ପାଟଣା ବ୍ଲକରୁ ଜଣେ, କେନ୍ଦୁଝର ସଦର ବ୍ଲକରୁ ୮ ଜଣ, ସାହାରପଡା ବ୍ଲକରୁ ୨ ଜଣ, ଆନନ୍ଦପୁର ପୌରପାଳିକାରୁ ୨ ଜଣ, ବଡବିଲ ପୌରପାଳିକାରୁ ୧୦ ଜଣ, ଚମ୍ପୁଆ ବ୍ଲକରୁ ୨ ଜଣ, ଘସିପୁରା ବ୍ଲକରୁ ଜଣେ, ଘଟଗାଁ ବ୍ଲକରୁ ୩ ଜଣ, ହରିଚନ୍ଦନପୁର ବ୍ଲକରୁ ୨ ଜଣ, ଯୋଡା ବ୍ଲକରୁ ଜଣେ, ଯୋଡ଼ା ପୌରପାଳିକାରୁ ୨ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ବର୍ତ୍ତମାନସୁଦ୍ଧା କେନ୍ଦୁଝର ଜିଲ୍ଲାରେ ୩୬ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଥିବା ପ୍ରଶାସନ ସୂଚନା ଦେଇଛି।