କେନ୍ଦୁଝରରେ ପୁଣି ଶୀତ ଲହରି
କେନ୍ଦୁଝର: କିଛିଦିନର ବ୍ୟବଧାନ ପରେ ଆଜି ପୁଣି କେନ୍ଦୁଝରରେ ଶୀତ ବଢ଼ିଛି। ତାପମାତ୍ରା ହ୍ରାସ ପାଇ ୯.୬ ଡିଗ୍ରି ସେଲସିୟସରେ ପହଞ୍ଚିଛି। ଡିସେମ୍ବର ୫ ତାରିଖରେ କେନ୍ଦୁଝର ଜିଲ୍ଲାର କାଞ୍ଜିପାଣି ଘାଟି ଏବଂ ଗୁମୁରା ଅଞ୍ଚଳରେ ତୁଷାରପାତ ହୋଇଥିଲା। ଏହା ପରେ ଶୀତର ପ୍ରକୋପ କମି ଯାଇଥିଲା। ଏବେ ଦୁଇତିନି ଦିନ ହେବ ଜିଲ୍ଲାରେ ବର୍ଷା ହୋଇ ଛାଡ଼ିଯିବା ପରେ ପୁଣି ଶୀତ ବଢ଼ିଛି।
Sambad is now on WhatsApp
Join and get latest news updates delivered to you via WhatsApp
କେନ୍ଦୁଝରଠାରେ ଥିବା କେନ୍ଦ୍ରୀୟ ପାଣିପାଗ ବିଭାଗ ସୂତ୍ରରୁ ମିଳିଥିବା ସୂଚନା ଅନୁସାରେ, ୨୯ ତାରିଖରେ କେନ୍ଦୁଝରର ସର୍ବନିମ୍ନ ତାପମାତ୍ରା ୧୫.୨ ଡିଗ୍ରି ସେଲସିୟସ ଥିଲା, ୩୦ ତାରିଖରେ ତାପମାତ୍ରା ହ୍ରାସ ପାଇ ୧୪.୨ ଡିଗ୍ରିରେ ପହଞ୍ଚିଥିଲା। ଡିସେମ୍ବର ୩୧ରେ ୧୩.୮ ଡିଗ୍ରି, ୧ ତାରିଖରେ ୧୩.୦ ଡିଗ୍ରି ଏବଂ ଆଜି ତାପମାତ୍ରା ୯.୬ ଡିଗ୍ରି ସେଲସିୟସକୁ ଖସି ଆସିଛି। ରାତିରେ ତାପମାତ୍ରା ଆହୁରି କମିବ ବୋଲି ଅନୁମାନ କରାଯାଉଛି।