୨୦୦ମିଟର ଦୌଡରେ ସ୍ୱର୍ଣ୍ଣ ଜିତିଲେ ଦୂତୀ

ଭୁବନେଶ୍ୱର: ରାଞ୍ଚିରେ ସମ୍ପ୍ରତି ଚାଲିଥିବା ଚଳିତ ୫୯ତମ ଜାତୀୟ ଓପନ୍‌ ଜାତୀୟ ଆଥ୍‌ଲେଟିକ୍‌ ଚମ୍ପିଅନ୍‌ସିପ୍‌ରେ ଆଜି (ରବିବାର) ଦୌଡ଼ ରାଣୀ ଦୂତୀ ଚାନ୍ଦ ପୁଣି ସ୍ୱର୍ଣ୍ଣ ପଦକ ହାସଲ କରିବା ସହ ଏକ ନୂତନ କିର୍ତ୍ତୀମାନ ସ୍ଥାପନ କରିଛନ୍ତି।

୨୦୦ମିଟର ଦୌଡକୁ ଦୂତୀ ଚାନ୍ଦ ୨୩.୧୭ ସେକେଣ୍ଡରେ ଅତିକ୍ରମ କରି ପ୍ରଥମସ୍ଥାନ ଅଧିକାର କରି ଏହି ସ୍ୱର୍ଣ୍ଣ ପଦକ ଜିତିଛନ୍ତି। ଏହା ପୂର୍ବରୁ ଦୂତୀ ୧୦୦ ମିଟର ଦୌଡ଼ରେ ସ୍ୱର୍ଣ୍ଣ ପଦକ ଜିତିଥିଲେ। ଏହି ଇଭେଣ୍ଟର ସେମିଫାଇନାଲକୁ ଦୂତୀ ୧୧.୨୨ ସେକେଣ୍ଡରେ ଅତିକ୍ରମ କରି ଜାତୀୟ ରେକର୍ଡ ସ୍ଥାପନ କରିଥିଲେ। କିନ୍ତୁ ସେ ଯଦି ଏହି ଇଭେଣ୍ଟକୁ ୧୧.୧୫ ସେକେଣ୍ଡରେ ଅତିକ୍ରମ କରିଥାନ୍ତେ, ତାହେଲେ ଅଲିମ୍ପିକକୁ କ୍ୱାଲିଫାଏ କରିଥାନ୍ତେ।