ବଢ଼ୁଛି ବଙ୍ଗଳା ବିବାଦ : ସରକାରୀ କ୍ୱାର୍ଟରକୁ ନେଇ ବୈଜୟନ୍ତଙ୍କୁ ଅନୁଭବ ପଚାରିଲେ;୨୪ ଘଣ୍ଟା ପରେ ଚୁପ୍ କାହିଁକି ଟୁଇଟ୍ ମାଷ୍ଟର ?
ଭୁବନେଶ୍ୱର : ଥମୁନି ବଙ୍ଗଳା ବିବାଦ । ୨୪ ଘଣ୍ଟା ପରେ ପୁଣି ବୈଜୟନ୍ତଙ୍କୁ ଟୁଇଟ୍ରରେ ଟାର୍ଗେଟ କଲେ କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି । ଗତକାଲି ଦିଲ୍ଲୀ ମହାଦେବ ରୋଡସ୍ଥିତ ସରକାରୀ କ୍ୱାର୍ଟରକୁ ବୈଜୟନ୍ତ ମାଡ଼ି ବସିଥିବା କହି ଟୁଇଟ୍ରେ ଟାର୍ଗେଟ କରିଥିଲେ ଅନୁଭବ । ହେଲେ ଏହାର ୨୪ଘଣ୍ଟା ବିତିଯାଇଥିଲେ ମଧ୍ୟ ଟୁଇଟ୍ ମାଷ୍ଟର ବୈଜୟନ୍ତ ବଙ୍ଗଳା ବିବାଦକୁ ନେଇ କାହିଁକି ଚୁପ୍ ବସିଛନ୍ତି?ବୋଲି ଟୁଇଟ୍ କରି ପ୍ରଶ୍ନ କରିଛନ୍ତି ଅନୁଭବ ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପଟେ ଗତକାଲି ଅନୁଭବଙ୍କ ଟୁଇଟ୍ ପରେ ବୈଜୟନ୍ତଙ୍କ କାର୍ଯ୍ୟାଳୟ ତରଫରୁ ସଫେଇ ଦିଆଯାଇଛି ଯେ, ବର୍ତ୍ତମାନ ବୈଜୟନ୍ତ ଏହି ଘର ପାଇଁ ସରକାରଙ୍କୁ ଭଡ଼ା ଦେଉଛନ୍ତି । ଘରେ ବହୁ ସଂଖ୍ୟାରେ ବଡ଼ ବଡ଼ ସାମଗ୍ରୀ ଥିବାରୁ ସେଗୁଡ଼ିକ ଖାଲି କରିବା ପାଇଁ ସମୟ ଦରକାର । ଏପରିକି ଅନୁଭବ ବିନା କୌଣସି ସୂଚନାରେ ଏହି କ୍ୱାର୍ଟରକୁ ଦେଖିବାକୁ ଚାହୁଁଥିଲେ । କିନ୍ତୁ କୌଣସି ପୂର୍ବନିର୍ଦ୍ଧାରିତ ସୂଚନା ନଦେଇଥିବାରୁ ସିକ୍ୟୁରିଟି ଗାର୍ଡ ତାଙ୍କୁ ଗେଟ୍ ପାଖରେ ଅଟକାଇଥିଲେ । ଏହାପରେ ଅନୁଭବ ବୈଜୟନ୍ତଙ୍କ ବ୍ୟକ୍ତିଗତ ସଚିବଙ୍କୁ ମଧ୍ୟ ର୍ଦୁବ୍ୟହାର କରିଥିବା ପାଲଟା ଅଭିଯୋଗ କରିଛନ୍ତି ବୈଜୟନ୍ତ ।
It’s been more than 24 hours. I wonder why the #TweetMaster @PandaJay is silent till now?? https://t.co/dSyvYJb4rl
— Anubhav Mohanty (@AnubhavMohanty_) July 12, 2019
୨ମାସ ପୂର୍ବରୁ କେନ୍ଦ୍ରାପଡା ଲୋକସଭା ପାଇଁ ଏହି ୨ନେତାଙ୍କ ଭିତରେ ବାକ ଯୁଦ୍ଧ ଚାଲିଥିଲା । ଆଉ ଏବେ ପୁଣି ୨ନେତାଙ୍କ ମଧ୍ୟରେ ବିବାଦ ଆରମ୍ଭ ହୋଇଯାଇଛି । ଆଉ ଏହାର କାରଣ ହେଉଛି ଦିଲ୍ଲୀର ମହାଦେବ ରୋଡସ୍ଥ୍ିତ ଏହି ସରକାରୀ କ୍ୱାଟର । ଗୁରୁୁବାର କେନ୍ଦ୍ରାପଡା ସାଂସଦ ଅନୁଭବ ମହାନ୍ତି ଏହି ଘର ଭିତରକୁ ଯାଇ ଦେଖିବାକୁ ଚାହିଁଥିଲେ ମଧ୍ୟ ସୁରକ୍ଷାକର୍ମୀ ତାଙ୍କୁ ଅଟକାଇଥିଲେ । ଏହା ପରେ ଟୁଇଟ କରି ଅନୁଭବ କହିଥିଲେ ହାଉସ ଆବଂଟନ କରୁଥିବା ଲୋକସଭାର ହାଉସ କମିଟି ତାଙ୍କୁ ଘର ଦେଖିବା ପାଇଁ ଅନୁମତି ଦେଇଥିଲେ ମଧ୍ୟ ସୁରକ୍ଷା କର୍ମୀ ଅନୁଭବଙ୍କୁ ଅଟକାଇଥିଲେ । ଆଉ ଘର ଆଗରେ ନିଜର ଏକ ଫଟୋ ଉଠାଇ ଟୁଇଟ କରିଥିଲେ ।
ଅନ୍ୟପଟେ ୧୩ମାସ ପୂର୍ବରୁ ଲୋକସଭାରୁ ଇସ୍ତଫା ଦେବା ପରେ ପୂର୍ବତନ ସାଂସଦ ବୈଜୟନ୍ତ ପଣ୍ଡା ଏହି ସରକାରୀ ଘର ଛାଡ଼ି ଦେବା କଥା । କିନ୍ତୁ ଗତ ୨୦ବର୍ଷ ଧରି ଏହି ଘରେ ରହି ଆସୁଥିଲେ ବୈଜୟନ୍ତ ପଣ୍ଡା । ତେଣୁ ଘର ପ୍ରତି ମୋହ ଛାଡିବା ବୈଜୟନ୍ତଙ୍କ ପାଇଁ କଷ୍ଟକର ହୋଇପାରେ । ଏପଟେ ଅଭିନେତାରୁ ନୂଆ ନୂଆ ନେତା ବନିଥିବା ଅନୁଭବ ମଧ୍ୟ ଏହି ଘର ପାଇଁ ବେଶ ଆଗ୍ରହ ପ୍ରକାଶ କରୁଛନ୍ତି । ଦିଲ୍ଲୀ ମହାଦେବ ରୋଡସ୍ଥିତ ଏହି ଘର ପାଇଁ ଲୋକସଭା ହାଉସ କମିଟିରେ ଆବେଦନ କରିଛନ୍ତି ଅନୁଭବ । ଘର ଦେଖିବା ପାଇଁ ହାଉସ କମିଟି ଅନୁମତି ଦେଇଛି । କିନ୍ତୁ ଅନୁଭବଙ୍କୁ ଘରେ ପୁରାଇ ନଦେବା ପରେ ବିବାଦ ଆରମ୍ଭ ହୋଇଛି । ଏହି ବିବାଦରେ ପୂର୍ଣ୍ଣଛେଦ କେବେ ପଡ଼ିବ ତାହା ଉପରେ ଏବେ ସମସ୍ତଙ୍କ ନଜର ରହିଛି ।