ଘିଅ ଡବାରେ ଅଭିଯୋଗ ବାକ୍ସ

କୋରେଇ: କୋରେଇ ବ୍ଲକ୍ ବଡ଼ବିରୁଆଁ ପଞ୍ଚାୟତ କାର୍ଯ୍ୟାଳୟରେ ପ୍ରଧାନମନ୍ତ୍ରୀ ଆବାସ ଅଭିଯୋଗ ଗ୍ରହଣ ପାଇଁ ଏକ ଘିଅ ଡବାକୁ ଅଭିଯୋଗ ବାକ୍ସ ଭାବେ ବ୍ୟବହାର କରାଯାଇଛି। ଗତକାଲି ପ୍ରକାଶ ପାଇଥିବା ସମ୍ଭାବ୍ୟ ହିତାଧିକାରୀ ତାଲିକା ସମ୍ପର୍କରେ କୌଣସି ଅଭିଯୋଗ ଥିଲେ ଗ୍ରହଣ କରିବାକୁ ସୁରକ୍ଷିତ ଅଭିଯୋଗ ବାକ୍ସ ବସାଇବାକୁ ସରକାର ନିର୍ଦେଶ ଦେଇଛନ୍ତି।

ସୁରକ୍ଷିତ ଥିବା ଦୂରର କଥା ଏହି ଡବାରେ ଉପର ଢାଙ୍କୁଣି ମଧ୍ୟ ନାହିଁ। ଏହି ଡବାରେ ଅଭିଯୋଗ ପକାଇଲେ ତାହା ରହିବ କି ନାହିଁ ପଞ୍ଚାୟତବାସୀ ଆଶଙ୍କା ପ୍ରକାଶ କରିଛନ୍ତି। ଏନେଇ କୋରେଇ ବିଡିଓ ରଂଜନ କୁମାର ପରିଡ଼ାଙ୍କୁ ପଚାରିବାରୁ ଅଭିଯୋଗ ସମ୍ପର୍କରେ ସେ ଜାଣିନଥିବା କହିଛନ୍ତି। ଆସନ୍ତାକାଲି ତାହାକୁ ପରିବର୍ତ୍ତନ କରି ଏକ ସୁରକ୍ଷିତ ବାକ୍ସ ରଖାଯିବ ବୋଲି ବିଡିଓ ଶ୍ରୀ ପରିଡ଼ା ପ୍ରତିଶ୍ରୁତି ଦେଇଛନ୍ତି।