ମହିଳାଙ୍କୁ ଯୌତୁକ ନିର୍ଯାତନା ଅଭିଯୋଗ
ବ୍ରଜରାଜନଗର: ବରଗଡ଼ ଜିଲ୍ଲା ଅନ୍ତର୍ଗତ ବାର୍ଟରେମାରେ ବିବାହ କରିଥିବା ବ୍ରଜରାଜନଗର ଅଞ୍ଚଳର ଦୀପାଞ୍ଜଳି ବାଗଙ୍କୁ ସ୍ୱାମୀ ମିତ୍ରଭାନୁ ବାଗ ଯୌତୁକ ଦାବିରେ ଶାରୀରିକ ଓ ମାନସିକ ନିର୍ଯାତନା ଦେଇ ଘରୁ ବାହାର କରି ଦେଇଥିବା ବ୍ରଜରାଜନଗର ଥାନାରେ ଅଭିଯୋଗ ହୋଇଛି। ପୁଲିସ ଏକ ମାମଲା ରୁଜୁ କରି ଅନୁସନ୍ଧାନ କରୁଛି। ୫ ବର୍ଷ ପୂର୍ବେ ଦୀପାଞ୍ଜଳି ମିତ୍ରଭାନୁଙ୍କୁ ବିବାହ କରିଥିଲେ। ତେବେ ବିବାହ ପରେ ଯୌତୁକ ଦାବିରେ ମିତ୍ରଭାନୁଙ୍କ ପରିବାର ଲୋକେ ତାଙ୍କୁ ଶାରୀରିକ ଓ ମାନସିକ ନିର୍ଯାତନା ଦେଉଥିଲେ।
Sambad is now on WhatsApp
Join and get latest news updates delivered to you via WhatsApp
ଗତ ବର୍ଷ ସେପ୍ଟେମ୍ବର ୨୨ ତାରିଖ ସେମାନେ ତାଙ୍କୁ ମାରିଦେବାକୁ ଯୋଜନା କରୁଥିବା ଜାଣିପାରି ସେ କୌଶଳରେ ନିଜ ମାମୁଁଘରକୁ ଚାଲି ଯାଇଥିଲେ। ଏ ନେଇ ମେଳଛାମୁଣ୍ଡା ଥାନାରେ ଲିଖିତ ଅଭିଯୋଗ ହୋଇଛି। ଶେଷରେ ଉଭୟ ପକ୍ଷ ଭିତରେ ବୁଝାମଣା ହେବାରୁ ଦୀପାଞ୍ଜଳି ଶାଶୂଘରକୁ ଫେରିଥିଲେ। କିନ୍ତୁ ପୁନର୍ବାର ଝଗଡ଼ା କରି ଦୀପାଞ୍ଜଳିଙ୍କୁ ଘରୁ ବାହାର କରି ଦେବାରୁ ସେ ବ୍ରଜରାଜନଗର ଚାଲି ଆସିଥିବା ଅଭିଯୋଗ କରିଛନ୍ତି।