/* */

ଛାତ୍ରଛାତ୍ରୀଙ୍କୁ ୩୦୦ ଦିନର ଏମ୍‌ଡିଏମ୍‌ ଖର୍ଚ୍ଚ ମିଳିନଥିବା ଅଭିଯୋଗ, ଛାତ୍ରଛାତ୍ରୀ ଓ ଅଭିଭାବକ ଜିଲ୍ଲାପାଳଙ୍କ ଦ୍ବାରସ୍ଥ 

ସୋନପୁର : ବିନିକା ବ୍ଲକ୍‌ ମହଦା ପଞ୍ଚାୟତ ମନୋରଞ୍ଜନପୁର ସରକାରୀ ପ୍ରାଥମିକ ବିଦ୍ୟାଳୟର ଛାତ୍ରଛାତ୍ରୀଙ୍କୁ ୩୦୦ ଦିନର ଏମ୍‌ଡିଏମ ଚାଉଳ ଓ ଏହାର ଆନୁଷଙ୍ଗିକ ରାସନ ଖର୍ଚ୍ଚ, ସ୍କୁଲ ପୋଷାକ ଓ ଜୋତା ଛାତ୍ରଛାତ୍ରୀଙ୍କୁ ମିଳିନଥିବା ଅଭିଯୋଗ କରି ସୋମବାର ଅଭିଭାବକ ଓ ଛାତ୍ରଛାତ୍ରୀ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଥିଲେ।

ଅଭିଯୋଗ ଅନୁଯାୟୀ ଏହି ବିଦ୍ୟାଳୟରେ ୨୩ ଜଣ ଛାତ୍ରଛାତ୍ରୀ ପାଠ ପଢ଼ନ୍ତି। ତେବେ ସେମାନଙ୍କୁ ୩୦୦ ଦିନ ହେଲା ଏମ୍‌ଡିଏମ୍‌ ଚାଉଳ ଓ ଏହାର ଆନୁଷଙ୍ଗିକ ରାସନ ଖର୍ଚ୍ଚ, ସ୍କୁଲ ପୋଷାକ ଓ ଜୋତା ମିଳିନାହିଁ। ଏ ସଂପର୍କରେ ବିଭାଗୀୟ ଅଧିକାରୀଙ୍କୁ ଜଣାଇଥିଲେ ମଧ୍ୟ କିଛି ଫଳପ୍ରଦ ନହେବାରୁ ବାଧ୍ୟ ହୋଇ ଅଭିଭାବକ ଓ ଛାତ୍ରଛାତ୍ରୀ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଥିବା ପ୍ରକାଶ କରିଛନ୍ତି। ଏ ସଂପର୍କରେ ଜିଲ୍ଲାପାଳଙ୍କୁ ଲିଖିତ ଭାବରେ ଜଣାଇବା ସହ ସେଠାରେ କାର୍ଯ୍ୟରତ ପ୍ରଧାନଶିକ୍ଷକଙ୍କୁ ତୁରନ୍ତ ବଦଳି କରିବା ପାଇଁ ଦାବି କରିଛନ୍ତି।

ସମ୍ବନ୍ଧିତ ଖବର