ରଥଯାତ୍ରାକୁ ସୁପ୍ରିମକୋର୍ଟଙ୍କ ଅନୁମତି ପରେ ସାରା ଦେଶ ଆନନ୍ଦିତ, ଜୟ ଜଗନ୍ନାଥ ! : ଅମିତ ଶାହା
ନୂଆଦିଲ୍ଲୀ : କରୋନା କଟକଣା ପାଳନ କରି ପୁରୀର ବିଶ୍ୱପ୍ରସିଦ୍ଧ ରଥଯାତ୍ରା ଆୟୋଜନ ଲାଗି ଆଜି ସୁପ୍ରିମକୋର୍ଟ ଅନୁମତି ଦେବାପରେ ସବୁଆଡ଼େ ଆନନ୍ଦ ପ୍ରକାଶ ପାଇଛି । କୋର୍ଟଙ୍କ ଏହି ନିଷ୍ପତ୍ତିକୁ ସ୍ୱାଗତ କରିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତଶାହା ।
ଟ୍ଵିଟ କରି ଶାହା ଲେଖିଛନ୍ତି ଯେ ଆଜି ଆମ ସମସ୍ତଙ୍କ ପାଇଁ ବିଶେଷକରି ଓଡ଼ିଶାବାସୀଙ୍କ ପାଇଁ ଏକ ଖୁସିରଦିନ । ସୁପ୍ରିମକୋର୍ଟଙ୍କ ନିଷ୍ପତ୍ତିକୁ ନେଇ ସବୁଆଡ଼େ ଆନନ୍ଦ ପ୍ରକାଶ ପାଇଛି । ଜୟ ଜଗନ୍ନାଥ !
Sambad is now on WhatsApp
Join and get latest news updates delivered to you via WhatsApp
Today is a special day for all of us, particularly our Odia sisters and brothers as well as devotees of Mahaprabhu Shri Jagannath Ji. The entire nation is delighted by the decision of the Honourable Supreme Court to ensure the Rath Yatra goes on.
जय जगन्नाथ!
— Amit Shah (@AmitShah) June 22, 2020
ସେ ଲେଖିଛନ୍ତି “ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କୋଟି କୋଟି ଶ୍ରଦ୍ଧାଳୁଙ୍କ ମନକଥା ବୁଝି ଶହ ଶହ ବର୍ଷର ପରମ୍ପରା ଯେପରି ରକ୍ଷା ହୋଇପାରିବ ସେଥିଲାଗି ଉଦ୍ୟମ କରିଥିଲେ । ତାଙ୍କ ନିର୍ଦ୍ଦେଶକ୍ରମେ ଗତକାଲି ସଂଧ୍ୟାରେ ମୁଁ ଗଜପତି ମହାରାଜା ଓ ଶଙ୍କରାଚାର୍ଯ୍ୟଙ୍କ ସହ ଆଲୋଚନା କରି ରଥଯାତ୍ରା ସଂପର୍କରେ ସେମାନଙ୍କ ମତ ନେଇଥିଲି । ସେହିପରି ଆଜି ସକାଳେ ମଧ୍ୟ ସୋଲିସିଟର ଜେନେରାଲଙ୍କ ସହ କଥା ହୋଇଥିଲି । ”
ମାମଲାର ଗୁରୁତ୍ୱକୁ ଉପଲବ୍ଧି କରି ଏହାକୁ ସୁପ୍ରିମକୋର୍ଟଙ୍କ ଅବସରକାଳୀନ ବେଞ୍ଚ ସମ୍ମୁଖରେ ରଖାଗଲା ଯାହାକି ରଥଯାତ୍ରା ପାଇଁ ପଥ ଉନ୍ମୁକ୍ତ କରିଥିଲା ।
ଅନ୍ୟପକ୍ଷରେ ରଥଯାତ୍ରା ପାଇଁ ସୁପ୍ରିମକୋର୍ଟଙ୍କ ଅନୁମତିକୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ସ୍ୱାଗତ କରିଛନ୍ତି । ରଥଯାତ୍ରା କେବଳ ଏକ ଉତ୍ସବ ନୁହେଁ, ଓଡ଼ିଆ ଭାବାବେଗର ଏକ ଅବିଚ୍ଛେଦ୍ୟ ଅଂଗ ବୋଲି ସେ କହିଛନ୍ତି ।