ଏହି ଓଡ଼ିଆ ଅଧିକାରୀଙ୍କ ଅତି ଘନିଷ୍ଠ ଥିଲେ ସୁଶାନ୍ତ ସିଂହ ରାଜପୁତ

ଭୁବନେଶ୍ୱର: ବଲିଉଡର ଜଣେ ଲୋକପ୍ରିୟ କଳାକାର ଭାବେ ଜଣାଶୁଣା ଅଭିନେତା ସୁଶାନ୍ତ ସିଂ ରାଜପୁତ ଆଜି ମୁମ୍ବାଇରେ ଥିବା ନିଜ ଘରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି | ସୁଶାନ୍ତଙ୍କ ଏଭଳି ଅଚାନକ ମୃତ୍ୟୁକୁ ନେଇ ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି | ସମଗ୍ର ବଲିଉଡ ସ୍ତବ୍ଧ ହୋଇଯାଇଥିବାବେଳେ ଓଡିଶା କ୍ୟାଡରର ଆଇପିଏସ ଅଫିସର ଅମିତାଭ ଠାକୁର ନିଜର ଜଣେ ଖାସ ବନ୍ଧୁଙ୍କୁ ହରାଇ ଭାବୁକ ହୋଇପଡିଛନ୍ତି | କାରଣ କିଛି ଦିନ ତଳେ ସୁଶାନ୍ତଙ୍କ ସହ ଫୋନରେ କଥା ହୋଇଥିବାବେଳେ ଅମିତାଭଙ୍କ ବାହାଘରରେ ସୁଶାନ୍ତଙ୍କ ବରଯାତ୍ରୀ ଡ୍ୟାନ୍ସ ତାଙ୍କ ସ୍ମୃତିକୁ ଉଜ୍ଜୀବିତ କରିଛି |

Shocked beyond words….we had spoken some days ago. You had danced the maximum on my marriage…how could you do this RIP 🙏 @itsSSR #RIPSushantSinghRajput pic.twitter.com/lmTQcPJUjT

— AMITABH THAKUR (@AMITABHTHAKUR21) June 14, 2020

ଅମିତାଭ କରିଥିବା ଟ୍ଵିଟରେ ଶ୍ରୀ ଠାକୁର ଅତ୍ୟନ୍ତ ଭାବପୂର୍ଣ୍ଣ ଶୈଳୀରେ ଲେଖିଛନ୍ତି,”ଏହି ଖବର ଶୁଣି ମୁଁ ମର୍ମାହତ…ବାକଶୂନ୍ୟ, କିଛି ଦିନ ତଳେ ଆମେ କଥା ହୋଇଥିଲୁ, ତୁମେ ଯେଉଁ ଢଙ୍ଗରେ ମୋର ବରଯାତ୍ରୀରେ ନାଚିଥିଲ ତାହା ଏବେ ବି ମୋ ସ୍ମୃତିକୁ ଆନ୍ଦୋଳିତ କରି ରଖିଛି…ତୁମେ ଏମିତି କେମିତି କରିପାରିଲ, ତୁମ ଆତ୍ମା ଶାନ୍ତିରେ ରହୁ” | ସୁଶାନ୍ତ ବିହାରର ପାଟନାରେ ଜନ୍ମଗ୍ରହଣ କରିଥିବାବେଳେ ଅମିତାଭଙ୍କ ଘର ମଧ୍ୟ ବିହାର, ଆଉ ସେ ସୁଶାନ୍ତଙ୍କଠାରୁ ବୟସରେ ବଡ ହୋଇଥିଲେ ବି ସୁଶାନ୍ତ ତାଙ୍କ ସାନ ଭାଇ ଭଳି ଥିଲେ |

ଏଠାରେ ସୂଚନା ଥାଉ କି ବାନ୍ଦ୍ରାସ୍ଥିତ ନିଜ ଫ୍ଲାଟର ଏକ କୋଠରିରେ ସୁଶାନ୍ତଙ୍କ ମୃତଦେହ ଫ୍ୟାନରେ ଝୁଲୁଥିବାର ଦେଖିବାକୁ ମିଳିଥିବା ବେଳେ ତାଙ୍କ ଘରେ କାମ କରୁଥିବା ଗୃହ ସହାୟକ ପ୍ରଥମେ ତାଙ୍କୁ ଝୁଲୁଥିବା ଅବସ୍ଥାରେ ଦେଖି ପୁଲିସକୁ ସୂଚନା ଦେଇଥିଲେ | ଆଉ ମୃତ୍ୟୁର କାରଣ ବାବଦରେ ଜଣା ପଡି ନାହିଁ।