ଅମ୍ଫାନ: ଲ୍ୟାଣ୍ଡଫଲ ପ୍ରକ୍ରିୟା ଆରମ୍ଭ ହେବ ୪ଟାରେ
ଭୁବନେଶ୍ବର: ଅତି ଭୀଷଣ ସାମୁଦ୍ରିକ ମହାବାତ୍ୟା ଅମ୍ଫାନ ଏବେ ଭଦ୍ରକ ଓ ବାଲେଶ୍ବର ଉପକୂଳ ଅତିକ୍ରମ କରି ପଶ୍ଛିମବଙ୍ଗ ଓ ବାଂଲାଦେଶ ଉପକୂଳର ସ୍ଥଳଭାଗ ଆଡକୁ ଗତି କରୁଛି। ଏହା ଏବେ ଦୀଘାଠାରୁ ୧୦୦କିମି ଦୂରରେ ଥିବା ବେଳେ ବାଂଲାଦେଶରୁ ୧୯୫ କିମି ଦୂରରେ ରହିଛି । ଆଜି ଅପରାହ୍ନରୁ ଅମ୍ଫାନର ଲ୍ୟାଣ୍ଡଫଲ ପ୍ରକ୍ରିୟା ଆରମ୍ଭ ହୋଇଯିବ ବୋଲି ଆକଳନ କରିଛି ଭାରତୀୟ ପାଣିପାଗ ବିଭାଗର ଭୁବନେଶ୍ବରସ୍ଥିତି ଆଞ୍ଚଳିକ କାର୍ଯ୍ୟାଳୟ।
Sambad is now on WhatsApp
Join and get latest news updates delivered to you via WhatsApp
SUCS AMPHAN about 105 km southeast of Digha (West Bengal) at 1330 IST of 20th May. To cross West Bengal-Bangladesh coasts between Digha (west Bengal) and Hatiya Islands (Bangladesh) close to Sunderbans. Landfall process to commence from today late afternoon (4pm onwards). pic.twitter.com/msHC1qIzue
— India Met. Dept. (@Indiametdept) May 20, 2020
ଅମ୍ଫାନ ଏବେ ଘଣ୍ଟାକୁ ୨୯କିମି ବେଗରେ ଗତି କରୁଛି ବୋଲି ପାଣିପାଗ ବିଭାଗ ସୂତ୍ରରୁ ପ୍ରକାଶ। କିନ୍ତୁ ଏବେ ପାଣିପାଗର ତାଜା ସୂଚନା ଅନୁସାରେ ଅପରାହ୍ନରୁ ୪ଟାରୁ ଲ୍ୟାଣ୍ଡଫଲ୍ ପ୍ରକ୍ରିୟା ଆରମ୍ଭ ହେବା ସହ ସନ୍ଧ୍ୟା ସୁଦ୍ଧା ପଶ୍ବିମବଙ୍ଗର ଦୀଘା ଓ ବାଂଲାଦେଶର ହତିୟା ମଧ୍ୟରେ ସୁନ୍ଦରବନ ଦେଇ ଅମ୍ଫାନ୍ ସ୍ଥଳଭାଗ ଅତିକ୍ରମ କରିବ। ଅମ୍ଫାନ୍ ଅତିକ୍ରମ କରିବା ସମୟରେ ତୀବ୍ର ବେଗରେ ପବନ ବହିବ । ପଶ୍ଚିମବଙ୍ଗର ଦୀଘା ଓ ବାଂଲାଦେଶର ହାତିଆ ମଧ୍ୟରେ ସୁନ୍ଦରବନ ଅଞ୍ଚଳରେ ସ୍ଥଳଭାଗ ଛୁଇଁବ।