ଭୁବନେଶ୍ୱର ପରେ ଅନୁଗୁଳ ଭାଙ୍ଗିଲା ୧୦ ବର୍ଷର ରେକର୍ଡ, ଆଜି ରାଜ୍ୟର ସବୁଠୁ ଉତ୍ତପ୍ତ ସହର
ଭୁବନେଶ୍ବର: ଭୁବନେଶ୍ୱର ପରେ ୧୦ ବର୍ଷର ରେକର୍ଡ ଭାଙ୍ଗିଲା ଅନୁଗୁଳ ସହର । ଆଜି ଓଡ଼ିଶାର ସବୁଠୁ ଉତ୍ତପ୍ତ ସହର ପାଲଟିଛି ଅନୁଗୁଳ । କାରଣ ଅନୁଗୁଳର ତାପମାତ୍ରା ଆଜି ୪୦.୧ ଡିଗ୍ରୀ ସେଲସିୟସ୍ ରେକର୍ଡ ହୋଇଛି । ଏନେଇ ଆଞ୍ଚଳିକ ପାଣିପାଗ କେନ୍ଦ୍ର ଟ୍ୱିଟ୍ କରି ସୂଚନା ଦେଇଛି । ତେବେ ଲଗାତାର ତିନିଦିନ ଧରି ଉତ୍ତପ୍ତ ସହର ଭାବେ ଭୁବନେଶ୍ୱର ରହୁଥିବାବେଳେ ଆଜି ରାଜ୍ୟର ଉତ୍ତପ୍ତ ସହର ଭାବେ ଦ୍ୱିତୀୟ ସ୍ଥାନରେ ଅଛି । ଆଉ ଭୁବନେଶ୍ୱରର ତାପମାତ୍ରା ଆଜିର ଦିନରେ ୪୦ ଡିଗ୍ରୀ ସେଲସିୟସ୍ ରେକର୍ଡ ହୋଇଥିବା ଆଞ୍ଚଳିକ ପାଣିପାଗ କେନ୍ଦ୍ର ଟ୍ୱିଟ୍ କରି ସୂଚନା ଦେଇଛି ।
Sambad is now on WhatsApp
Join and get latest news updates delivered to you via WhatsApp
With 40.1°C #Angul became today’s hottest city over Odisha, & breaks last 10yrs (2011-2020) highest day Max. temperature in February
All time record 42.1°C (25th Feb 2006)
last #10yrs record 39.1°C (20th Feb 2016 & 21st Feb 2017)#Bhubaneswar with 40.0°C begs 2nd spot in state pic.twitter.com/tFOOPMg7lQ— Meteorological Centre, Bhubaneswar (@mcbbsr) February 28, 2021
ସେହିପରି ଉତ୍ତପ୍ତ ସହର ତାଲିକାରେ ଯୋଡ଼ି ହୋଇଛି ଆଉ ଏକ ସହର ବୌଦ୍ଧ । ଭୁବନେଶ୍ୱରର ଭଳି ବୌଦ୍ଧର ତାପମାତ୍ରା ଆଜିର ଦିନରେ ୪୦ ଡିଗ୍ରୀ ସେଲସିୟସ୍ ରେକର୍ଡ ହୋଇଥିବା ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି। ଚଳିତ ବର୍ଷ ଫେବ୍ରୁଆରି ମାସ ଶେଷ ସପ୍ତାହରୁ ପ୍ରବଳ ଖରା ହୋଇଛି। ତେଣୁ ଏପ୍ରିଲ-ମେ’ ମାସ ବେଳକୁ ତାପମାତ୍ରା ପୂର୍ବବର୍ଷ ଗୁଡ଼ିକର ତୁଳନାରେ ଅଧିକ ହେବାର ଆଶଙ୍କା ଦେଖାଯାଉଛି।