ଭୁବନେଶ୍ୱର: ରାଜ୍ୟରେ ଆଜି ୧୫୨୫ ଜଣ ଆକ୍ରାନ୍ତ କରୋନା ଭାଇରସ ସଂକ୍ରମଣରୁ ସୁସ୍ଥ ହୋଇଛନ୍ତି। ଏଥିରେ ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୩୯୮ ଜଣ ଅଛନ୍ତି। ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟୁଇଟ୍ ଜରିଆରେ ଏହି ସୂଚନା ଦିଆଯାଇଛି। ଏଥି ସହିତ ରାଜ୍ୟରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୯ ଲକ୍ଷ ୬୮ ହଜାର ୪୫୩ରେ ପହଂଚିଛି।
Sambad is now on WhatsApp
Join and get latest news updates delivered to you via WhatsApp
ସ୍ୱାସ୍ଥ୍ୟ ବିଭାଗର ସୂଚନା ଅନୁସାରେ ଆଜି କଟକ ଜିଲ୍ଲାରୁ ୨୩୯ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଜଗତସିଂହପୁରରୁ ୯୫, ବାଲେଶ୍ୱର, ପୁରୀରୁ ୮୪-୮୪, ଭଦ୍ରକରୁ ୭୧, ଯାଜପୁରରୁ ୭୦, ଅନୁଗୁଳରୁ ୫୧, କେନ୍ଦ୍ରାପଡ଼ାରୁ ୫୦, ଢେଙ୍କାନାଳରୁ ୪୫ ଓ ମୟୂରଭଂଜରୁ ୩୮ ଜଣ ଆକ୍ରାନ୍ତ କରୋନାରୁ ସୁସ୍ଥ ହୋଇଛନ୍ତି।
ସେହିଭଳି ନୟାଗଡ଼ରୁ ୩୮, ସୁନ୍ଦରଗଡ଼ରୁ ୨୬, ସମ୍ବଲପୁରରୁ ୧୮, ସୁବର୍ଣ୍ଣପୁରରୁ ୧୭, ରାୟଗଡ଼ାରୁ ୧୬, କନ୍ଧମାଳ, କେନ୍ଦୁଝରରୁ ୧୧-୧୧, ବଲାଙ୍ଗୀର, ମାଲକାନଗିରିରୁ ୧୦-୧୦, ଗଂଜାମରୁ ୮, ବୌଦ୍ଧ, ଗଜପତିରୁ ୭-୭, ନବରଂଗପୁରରୁ ୬, ବରଗଡ଼, କଳାହାଣ୍ଡି, କୋରାପୁଟରୁ ୫ ଜଣ ଲେଖାଏଁ, ଝାରସୁଗୁଡ଼ା, ନୂଆପଡ଼ାରୁ ୩-୩ ଓ ରାଜ୍ୟପୁଲରୁ ୯୪ ଜଣ କରୋନାରୁ ସୁସ୍ଥ ହୋଇଛନ୍ତି।