ଭୁବନେଶ୍ୱର: କରୋନାରେ ଆକ୍ରାନ୍ତଙ୍କ ତୁଳନାରେ ସୁସ୍ଥଙ୍କ ସଂଖ୍ୟା ବଢ଼ିଛି। ରାଜ୍ୟରେ ଆଜି ୭ହଜାର ୪୮୭ ଜଣ କରୋନାରୁ ସୁସ୍ଥ ହୋଇଛନ୍ତି। ଏଥିରେ ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୨୪୬୬ ଜଣ ଅଛନ୍ତି। ଏଥି ସହିତ ରାଜ୍ୟରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୧୨ ଲକ୍ଷ ୨୨ହଜାର ୮୬୭ରେ ପହଞ୍ଚିଛି। ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଏହି ସୂଚନା ଦିଆଯାଇଛି।
ସ୍ୱାସ୍ଥ୍ୟ ବିଭାଗର ସୂଚନା ଅନୁସାରେ ଆଜି ନୂଆପଡ଼ା ଜିଲ୍ଲାରୁ ୫୫୧ଜଣ ଆକ୍ରାନ୍ତ କରୋନାରୁ ସୁସ୍ଥ ହୋଇଛନ୍ତି। କଟକରୁ ୪୭୯, ସୁନ୍ଦରଗଡ଼ରୁ ୪୨୬, ବାଲେଶ୍ୱରରୁ ୩୦୨, ଯାଜପୁରରୁ ୨୧୭, କେନ୍ଦୁଝରରୁ ୨୧୬, ନୟାଗଡ଼ରୁ ୧୯୧, ସମ୍ବଲପୁରରୁ ୧୭୯, କୋରାପୁଟରୁ ୧୬୬ ଜଣ କରୋନାରୁ ସୁସ୍ଥ ହୋଇଛନ୍ତି।
ସେହିପରି କଳାହାଣ୍ଡିରୁ ୧୪୫, ବଲାଙ୍ଗୀରରୁ ୧୩୯, ମୟୂରଭଂଜରୁ ୧୩୪, ବରଗଡ଼ରୁ ୧୨୯, ଜଗତସିଂହପୁରରୁ ୧୨୩, ନବରଂଗପୁରରୁ ୧୧୯, ଅନୁଗୁଳରୁ ୧୧୦, ଢେଙ୍କାନାଳରୁ ୧୦୮, ପୁରୀରୁ ୧୦୫, ଭଦ୍ରକରୁ ୯୩, ଦେବଗଡ଼ରୁ ୮୯, ସୁବର୍ଣ୍ଣପୁରରୁ ୮୪, ଗଂଜାମରୁ ୮୦, କନ୍ଧମାଳରୁ ୭୪, ରାୟଗଡ଼ାରୁ ୬୭, ଝାରସୁଗୁଡ଼ାରୁ ୬୬, କେନ୍ଦ୍ରାପଡ଼ାରୁ ୬୦, ବୌଦ୍ଧରୁ ୪୪, ମାଲକାନଗିରିରୁ ୩୮ ଓ ରାଜ୍ୟପୁଲରୁ ୨୯୯ ଜଣ ଆକ୍ରାନ୍ତ କରୋନାରୁ ସୁସ୍ଥ ହୋଇଛନ୍ତି। ସୂଚନାଯୋଗ୍ୟ ରାଜ୍ୟରେ ଆଜି ୩୬୨୯ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଥିଲେ।