ସୃଷ୍ଟି ହେଲା ଆଉ ଏକ ଘୁର୍ଣ୍ଣିବଳୟ: ୧୪ ଜିଲ୍ଲାକୁ ୟେଲୋ ୱାର୍ଣ୍ଣିଂ

ଭୁବନେଶ୍ବର: ବଙ୍ଗୋପସାଗରରେ  ଆଉ ଏକ ଘୁର୍ଣ୍ଣିବଳୟ ସୃଷ୍ଟି ହୋଇଛି। ବର୍ତ୍ତମାନ ମିଆଁମାର ପାଖାପାଖି ଅଞ୍ଚଳରେ ଏହି ଘୁର୍ଣ୍ଣିବଳୟ  ସକ୍ରିୟ ଥିବା ବେଳେ ଆସନ୍ତା ୪୮ ଘଣ୍ଟା ମଧ୍ୟରେ ପଶ୍ଚିମ-ଉତ୍ତର ପଶ୍ଚିମ ଦିଗ ଦେଇ ଗତି କରି  ଉପକୂଳବର୍ତୀ ବଙ୍ଗଳାଦେଶ ବା  ଉତ୍ତର ପଶ୍ଚିମ ବଙ୍ଗୋପସାଗରକୁ ଆସିବାର ସମ୍ଭାବନା ରହିଛି ।

ଏହାର ପ୍ରଭାବରେ ରାଜ୍ୟରେ ପ୍ରବଳ ବର୍ଷା ସମ୍ଭାବନା ରହିଥିବା ପାଣିପାଗ ବିଭାଗ ପୂର୍ବାନୁମାନ କରିଛି । ବିଶେଷ ଭାବେ ୧୩ ଓ ୧୪ ତାରିଖରେ ପ୍ରବଳ ବର୍ଷା ସମ୍ଭାବନା ରହିଛି । ଗୋଟିଏ ଦୁଇଟି ସ୍ଥାନରେ ଅତି ପ୍ରବଳ ବର୍ଷା ମଧ୍ୟ ହୋଇପାରେ ବୋଲି ଭୁବନେଶ୍ଵର ଆଞ୍ଚଳିକ ପାଣିପାଗ କେନ୍ଦ୍ରର ମନୋରମା ମହାନ୍ତି କହିଛନ୍ତି। 

ଆଗାମୀ ୨ ଦିନ ପାଇଁ ରାଜ୍ୟରେ  କିଛି କିଛି ସ୍ଥାନରେ ବିଜୁଳି  ଘଡଘଡି ସହ ହାଲୁକାରୁ  ମଧ୍ୟମ ଧରଣର ବର୍ଷା  ହେବାର  ସମ୍ଭାବନା  ରହିଛି। ଆସନ୍ତା ୨୪ ଘଣ୍ଟାରେ  ବିଜୁଳି ଘଡଘଡି ସହ ବର୍ଷା ସମ୍ଭାବନାକୁ ନେଇ ପାଣିପାଗ କେନ୍ଦ୍ର ପକ୍ଷରୁ ସତର୍କ ସୂଚନା ଜାରି କରାଯାଇଛି।

ବାଲେଶ୍ୱର, ଭଦ୍ରକ ,ଯାଜପୁର ,କେନ୍ଦ୍ରାପଡା ,କଟକ ,ଜଗତସିଂହପୁର,ମୟୁରଭଞ୍ଜ , କେନ୍ଦୁଝର, ସୁଦରଗଡ, ଦେଓଗଡ  ସମ୍ବଲପୁର ଓ ଝାରସୁଗୁଡ଼ା ପାଇଁ  ୟେଲୋ  ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ।

୧୨ରେ ଉପକୂଳ  ଓଡ଼ିଶାରେ  ବିଜୁଳି  ଘଡଘଡି  ବର୍ଷା  ସହ ୧୪ ଜିଲ୍ଲାକୁ ପାଣିପାଗ ବିଭାଗ ୟେଲୋ ୱାର୍ଣ୍ଣିଂ ଜାରି କରିଛି । ୧୩ ରୁ ବର୍ଷା  ବଢିବାର ସମ୍ଭାବନା ଥିବା ପ୍ରବଳ ବର୍ଷା  ପାଇଁ  ମୟୁରଭଞ୍ଜ ଓ କେନ୍ଦୁଝରକୁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ। ପରେ ୧୫ ତାରିଖ ବେଳକୁ  ବର୍ଷା  କମିବ  ବୋଲି ପୂର୍ବାନୁମାନ କରିଛି  ପାଣିପାଗ ବିଭାଗ । 

ଅଧିକ ପଢ଼ନ୍ତୁ:ସ୍କ୍ରବ ଟାଇଫସ ଆତଙ୍କ: ସପ୍ତାହେ ମଧ୍ୟରେ ୩ ଜଣଙ୍କ ମୃତ୍ୟୁ

ସେପଟେ ଗତ ୨୪ ଘଣ୍ଟାରେ ସାରା ରାଜ୍ୟରେ ୯୪୨.୮ ମିଲିମିଟର ବର୍ଷା ରେକର୍ଡ ହୋଇଥିବା ବେଳେ ୭ ପ୍ରତିଶତ ନିଅଣ୍ଟିଆ ବର୍ଷା ରେକର୍ଡ ହୋଇଛି । 

ଅଧିକ ପଢ଼ନ୍ତୁ:ମାଲକାନଗିରିର ୮୮୩୦ ହେକ୍ଟର ଜମିରେ ପାଣି,୨୮୧ ଘର ଭାଙ୍ଗିଲା