ଜୁଲାଇ ୧୦ ବେଳକୁ ବଙ୍ଗୋପସାଗରରେ ଆଉ ଏକ ଲଘୁଚାପ ସମ୍ଭାବନା : ସ୍କାଏମେଟ୍
ଭୁବନେଶ୍ବର : ବଙ୍ଗୋପସାଗରରେ ସୃଷ୍ଟ ଲଘୁଚାପ ପ୍ରଭାବରେ ଆସନ୍ତା ୪-୫ ଦିନ ଓଡ଼ିଶାରେ ପ୍ରବଳ ବର୍ଷା ହେବାର ସମ୍ଭାବନା ବ୍ୟକ୍ତି କରିଛି ପାଣିପାଗ ବିଭାଗ । ବିଶେଷକରି ୧୦ଟି ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷାର ସମ୍ଭାବନା ରହିଛି । ତେବେ ଏହି ଲଘୁଚାପ ଶେଷ ହେଉ ହେଉ ବଙ୍ଗୋପସାଗରରେ ଆଉ ଏକ ଲଘୁଚାପ ଦାନା ବାନ୍ଧିବାର ସମ୍ଭାବନା ଦେଖାଗଲାଣି ।
Sambad is now on WhatsApp
Join and get latest news updates delivered to you via WhatsApp
ଘରୋଇ ପାଣିପାଗ ସଂସ୍ଥା ସ୍କାଏମେଟର ପୂର୍ବାନୁମାନ ଅନୁସାରେ ଆସନ୍ତା ୧୦ ତାରିଖ ସୁଦ୍ଧା ବଙ୍ଗୋପସାଗରରେ ଆଉ ଏକ ଲଘୁଚାପ ସୃଷ୍ଟି ହୋଇପାରେ । ଏହି ଲଘୁଚାପର ଗତିପଥ ବର୍ତ୍ତମାନର ଲଘୁଚାପର ଗତି ପଥ ସହିତ ସମାନ ରହିପାରେ । ଗୁରୁତ୍ବପୂର୍ଣ୍ଣ କଥା ହେଉଛି ଏହି ଲଘୁଚାପଟି ବର୍ତ୍ତମାନର ଲଘୁଚାପ ତୁଳନାରେ ଅଧିକ ଶକ୍ତିଶାଳୀ ହେବାର ସମ୍ଭାବନା ରହିଛି ।
ଲଗାତାର ଲଘୁଚାପ ଯୋଗୁଁ ଜୁଲାଇ ମାସରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ଏହା ଫଳରେ ଜୁନ ମାସରେ ହୋଇଥିବା ବର୍ଷା ନିଅଣ୍ଟ ଭରଣା ହେବାର ସମ୍ଭାବନା ରହିଛି । ଓଡ଼ିଶା, ଛତିଶଗଡ଼, ମଧ୍ୟପ୍ରଦେଶ, ବିଦର୍ଭ ଓ ଗୁଜୁରାଟରେ ଏବେ ବର୍ଷା ନିଅଣ୍ଟ ପରିମାଣ ୩୦ ରୁ ୩୫ ପ୍ରତିଶତ ରହିଛି । କିନ୍ତୁ ଆସନ୍ତା ୭ରୁ ୧୦ ଦିନ ମଧ୍ୟରେ ପ୍ରବଳ ବର୍ଷା କାରଣରୁ ଏହି ନିଅଣ୍ଟ ଭରଣା ହୋଇଯିବ ବୋଲି ସ୍କାଏମେଟ କହିଛି ।