ହାଓଡା-ପୁରୀ ମଧ୍ୟରେ ଆଉ ଏକ ବିଶେଷ ଟ୍ରେନ୍
ଭୁବନେଶ୍ବର : ଯାତ୍ରୀଙ୍କୁ ସୁବିଧାଜନକ ଯାତ୍ରା ପ୍ରଦାନ ସହ ହାୱଡ଼ା ଓ ପୁରୀ ମଧ୍ୟରେ ଚଳାଚଳ କରୁଥିବା ଟ୍ରେନଗୁଡ଼ିକରେ ଯାତ୍ରୀ ଭିଡ଼କୁ ଏଡ଼ାଇବା ପାଇଁ ଆଉ ଏକ ସ୍ୱତନ୍ତ୍ର ଟ୍ରେନ୍ ଚଳାଚଳ କରିବ। ପୂର୍ବତଟ ରେଳପଥ ପକ୍ଷରୁ ନିଷ୍ପତ୍ତି ଅନୁଯାୟୀ ହାୱଡ଼ା-ପୁରୀ ସ୍ପେସାଲ୍(୦୮୧୭୯) ଅକ୍ଟୋବର ୯ରୁ ନଭେମ୍ବର ୬ ମଧ୍ୟରେ ହାୱଡ଼ାରୁ ପ୍ରତ୍ୟେକ ଶନିବାର ରାତି ୮ଟା ୩୫ରେ ଛାଡ଼ି ତା’ପରଦିନ ଭୋର ୪ଟା ୧୫ରେ ପୁରୀରେ ପହଞ୍ଚିବ।
Sambad is now on WhatsApp
Join and get latest news updates delivered to you via WhatsApp
ପ୍ରତ୍ୟାବର୍ତ୍ତନ ମାର୍ଗରେ ପୁରୀ-ହାୱଡ଼ା ସ୍ପେସାଲ୍(୦୮୧୮୦) ଅକ୍ଟୋବର ୧୦ରୁ ନଭେମ୍ବର ୭ ମଧ୍ୟରେ ପୁରୀରୁ ପ୍ରତ୍ୟେକ ରବିବାର ସନ୍ଧ୍ୟା ୭ଟା ୨୦ରେ ଛାଡ଼ି ତା’ପରଦିନ ଭୋର ୩ଟା ୩୦ରେ ହାୱଡ଼ାରେ ପହଞ୍ଚିବ। ଏହି ଟ୍ରେନରେ ୧୪ଟି ସ୍ଲିପର୍ କ୍ଲାସ୍ କୋଚ୍, ୫ଟି ଦ୍ଵିତୀୟ ଶ୍ରେଣୀ ସିଟିଂ କ୍ଲାସ୍ କୋଚ୍ ଓ ଦୁଇଟି ଗାର୍ଡ ତଥା ଲଗେଜ୍ ଭ୍ୟାନ୍ ଉପଲବ୍ଧ ହେବ। ଏହା ଖଡଗ୍ପୁର, ବାଲେଶ୍ୱର, ଭଦ୍ରକ, ଯାଜପୁର କେନ୍ଦୁଝର ରୋଡ଼, କଟକ, ଭୁବନେଶ୍ୱର ଓ ଖୋର୍ଦ୍ଧା ରୋଡ୍ ମଧ୍ୟରେ ଉଭୟ ଉଭୟ ପାର୍ଶ୍ୱରୁ ରହଣି କରିବ।