ଭୁବନେଶ୍ବର : ଝାରପଡ଼ା ଜେଲ୍ରେ ଲ’ ପରୀକ୍ଷା ଦେଇଛନ୍ତି ଅର୍ଚ୍ଚନା ନାଗ। ବୁଧବାର ଦିନ ପ୍ରଥମ ଦିନରେ ପ୍ରଥମ ପେପର କୋଡ୍ ଅଫ୍ ସିଭିଲ୍ ପ୍ ରୋସିଜ୍ୟୁର-୧ ପରୀକ୍ଷା ଦେଇଥିଲେ। ଅର୍ଚ୍ଚନା ଦିନ ୧ଟା ୩୦ରୁ ୪ଟା ୩୦ ପର୍ଯ୍ୟନ୍ତ ପରୀକ୍ଷା ଦେଇଥିଲେ। ଏଥିପାଇଁ କ୍ୟାପିଟାଲ ଲ’ କଲେଜ ଓ ଝାରପଡ଼ା ଜେଲ କର୍ତ୍ତୃପକ୍ଷ ମିଳିତ ଭାବେ କୋର୍ଟଙ୍କ ନିର୍ଦ୍ଦେଶକ୍ରମେ ଜେଲ ମାନୁଆଲ ଅନୁସାରେ ସ୍ବତନ୍ତ୍ର ବ୍ୟବସ୍ଥା କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ପ୍ରଥମ ଦିନ ପରୀକ୍ଷାରେ କ୍ୟାପିଟାଲ ଲ’ କଲେଜରୁ ପ୍ରଶ୍ନ ପତ୍ର ଓ ଖାତା ସ୍ବତନ୍ତ୍ର ସୁରକ୍ଷାରେ ଜେଲ ପରିସରରେ ପହଞ୍ଚିଥିଲା। ପରେ କଲେଜ ପକ୍ଷରୁ ସ୍ବତନ୍ତ୍ର ଭାବେ ନିଯୁକ୍ତ ପରୀକ୍ଷକ ଓ ଜେଲରଙ୍କ ତତ୍ତ୍ବାବଧାନରେ ଅର୍ଚ୍ଚନା ପରୀକ୍ଷା ଦେଇଥିଲେ। ୧୭ ତାରିଖ ପର୍ଯ୍ୟନ୍ତ ୭ମ ସେମିଷ୍ଟର ପରୀକ୍ଷା ଚାଲିବ ବୋଲି କ୍ୟାପିଟାଲ ଲ’ କଲେଜ ଅଧ୍ୟକ୍ଷା ନନ୍ଦିନୀ ମିଶ୍ର ସୂଚନା ଦେଇଛନ୍ତି। ପୂର୍ବରୁ କୋର୍ଟଙ୍କ ନିର୍ଦ୍ଦେଶକ୍ରମେ ଅର୍ଚ୍ଚନାଙ୍କ ଓକିଲ ୫ ବର୍ଷୀୟା ଇଣ୍ଟିଗ୍ରେଟେଡ୍ ଲ’ ପରୀକ୍ଷାର ୭ମ ସେମିଷ୍ଟରର ଫର୍ମ ଫିଲଅପ୍ କରିଥିଲେ। ଆଜି ଏହାର ପରୀକ୍ଷା ଆରମ୍ଭ ହୋଇଛି।