ନବରଙ୍ଗପୁରରେ ୫ଟି ସଚିବ: ମୁଖ୍ୟ ଚିକିତ୍ସାଳୟ ବୁଲି କରୋନା ସ୍ଥିତି ସମୀକ୍ଷା କଲେ
ନବରଙ୍ଗପୁର: ୫ଟି ସଚିବଙ୍କ ସମେତ ୪ଜଣ ସଚିବ ଓ ଜଣେ ନିର୍ଦ୍ଦେଶିକା ଆଜି ନବରଙ୍ଗପୁରଠାରେ ପହଞ୍ଚିଛନ୍ତି l ରାଜ୍ୟ ସରକାରଙ୍କ ମୁଖ୍ୟ ଶାସନ ସଚିବ ସୁରେଶ କୁମାର ମହାପାତ୍ର, ଜଳ ସମ୍ପଦ ବିଭାଗର ପ୍ରମୁଖ ସଚିବ ଅନୁ ଗର୍ଗ, ୫ଟିର ସଚିବ ଭି କେ ପାଣ୍ଡିଆନ, ସଚିବ ଭିନୀଲ କ୍ରିଷ୍ଣା ଓ ଏନଏଚଏମ ନିର୍ଦ୍ଦେଶିକା ଶାଳିନୀ ପଣ୍ଡିତ ଏହି ଗସ୍ତରେ ଆସିଛନ୍ତି l
Sambad is now on WhatsApp
Join and get latest news updates delivered to you via WhatsApp
ଜୟପୁର ଏୟାରଷ୍ଟ୍ରିପରୁ ବାହାରି ସଡ଼କ ମାର୍ଗରେ ଏମାନେ ସକାଳ ୧୦.୧୫ମିନିଟରେ ପହଞ୍ଚିବାର କାର୍ଯ୍ୟକ୍ରମ ରହିଥିଲେ ମଧ୍ୟ ପ୍ରାୟ ଘଂଟାଏ ବିଳମ୍ବରେ ନବରଙ୍ଗପୁର ପହଞ୍ଚିଥିଲେ | ପହଞ୍ଚିବା ପରେ ପ୍ରଥମେ ନବରଙ୍ଗପୁରର ଡ଼ାହିଁଭଟ୍ଟାରେ ଥିବା ବୃହତ ଉଠା ଜଳ ସେଚନ ପ୍ରକଳ୍ପକୁ ବୁଲି ଦେଖିଥିଲେ l ଏହାପରେ ଆରସିଡ଼ି ଉଚ୍ଚ ବିଦ୍ୟାଳୟରେ ୫ଟି କାର୍ଯ୍ୟକ୍ରମର ସମୀକ୍ଷା କରିବା ସହ ନବରଙ୍ଗପୁର ମୁଖ୍ୟ ଚିକିତ୍ସାଳୟ ବୁଲି ଦେଖିଥିଲେ l ନବରଙ୍ଗପୁରରେ କୋଭିଡ ସ୍ଥିତିର ସମୀକ୍ଷା କରିବା ସହ ଜଳସମ୍ପଦ ସଚିବ ଅନୁ ଗର୍ଗ ଦେଉଳାରେ ନିର୍ମିତ ହେଉଥିବା ଟୁରି ଗୁଣ୍ଠାଟ ପ୍ରକଳ୍ପକୁ ବୁଲି ଯାଇ ତାହାର ସମୀକ୍ଷା କରିଥିଲେ l ଏବେ ସେମାନେ ସଡ଼କ ମାର୍ଗ ଦେଇ ପୁଣି କୋରାପୁଟ ଜିଲ୍ଲା ଗସ୍ତରେ ଯିବା କାର୍ଯ୍ୟକ୍ରମ ଥିବା ସୂଚନା ମିଳିଛି l