ପଦ୍ମପୁର ଉପନିର୍ବାଚନକୁ ଶାନ୍ତିପୂର୍ଣ୍ଣ ଭାବେ ଶେଷ ପାଇଁ ସଜବାଜ
ବରଗଡ଼ : ପଦ୍ମପୁର ଉପନିର୍ବାଚନକୁ ଶାନ୍ତିପୂର୍ଣ୍ଣ ଭାବେ ଶେଷ କରିବାକୁ ପ୍ରଶାସନିକ କସରତ ଆରମ୍ଭ ହୋଇଛି। ଜିଲ୍ଲାପାଳଙ୍କ ସମ୍ମିଳନୀ କକ୍ଷଠାରେ ଏନେଇ ଅଧିକାରୀଙ୍କୁ ତାଲିମ ଦିଆଯାଇଛି। ପ୍ରଶିକ୍ଷଣ କାର୍ଯ୍ୟକ୍ରମକୁ ଅତିରିକ୍ତ ମୁଖ୍ୟ ନିର୍ବାଚନ ଅଧିକାରୀ ଶତୃଘ୍ନ କର ଓ ଯୁଗ୍ମ ମୁଖ୍ୟ ନିର୍ବାଚନ ଅଧିକାରୀ ପ୍ରମୋଦ ସାହୁ ପରିଚାଳନା କରିଥିଲେ। ପଦ୍ମପୁର ଉପଜିଲ୍ଲାପାଳ ତ୍ରିଲୋଚନ ପାତ୍ର, ବିଡିଓ, ତହସିଲଦାର ଓ ବିଇଓମାନେ ପ୍ରଶିକ୍ଷଣ ନେଇଥିଲେ। ଅତିରିକ୍ତ ଜିଲ୍ଲାପାଳ ମିର୍ଦ୍ଧା ଟପ୍ପୋ, କୃତ୍ତିବାସ ରାଉତ ଓ ବରିଷ୍ଠ ଅଧିକାରୀ ଉପସ୍ଥିତ ଥିଲେ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ବରଗଡ଼ ଜିଲ୍ଲାର ବିଭିନ୍ନ ଅଂଚଳରୁ ୧୮ଟି ହୋର୍ଡିଂ ହଟା ଯାଇଛି। ଅବକାରୀ ବିଭାଗ ତରଫରୁ ୮୧୬ ଲିଟର ମଦ ଓ ୨୦୧୦ କିଲୋ ପୋଚ ନଷ୍ଟ କରାଯାଇଛି। ଯାହାର ପାଖାପାଖି ମୂଲ୍ୟ ୨.୭୨ଲକ୍ଷ ଟଙ୍କା ହେବ। ମୋଟ୍ ୮ଜଣଙ୍କୁ ଗିରଫ କରାଯାଇଛି।