ଭୁବନେଶ୍ୱର: ନୂଆ ଲୁକରେ ନଜର ଆସିଲେ ପାଟଣାଗଡ଼ ଟାଇଗର | ପାଟଣାଗଡ଼ ପାର୍ସଲ ବୋମାର ପର୍ଦ୍ଦାଫାସ କରି ଚର୍ଚ୍ଚିତ ହୋଇଥିବା ଆଇପିଏସ ଅଫିସର ଅରୁଣ ବୋଥ୍ରାଙ୍କୁ ଏକ ନୂଆ ଲୁକରେ ଦେଖିବାକୁ ମିଳିଛି | ସୋସିଆଲ ମିଡିଆରେ ସବୁବେଳେ ଆକ୍ଟିଭ ରହୁଥିବା ବୋଥ୍ରା ନିଜର ଏହି ଫଟୋ ପୋଷ୍ଟ ପରେ ଟ୍ୱିଟର ୟୁଜର୍ସଙ୍କ ଭିନ୍ନ ଭିନ୍ନ ପ୍ରତିକ୍ରିୟା ଦେଖିବାକୁ ମିଳୁଛି | ଅଧିକାଂଶ ୟୁଜର୍ସ ତାଙ୍କୁ କୃଷକ ନେତା ରାକେଶ ଟୀକାୟତଙ୍କ ସହ ତୁଳନା କରୁଥିବାବେଳେ ଆଉ କିଛି ପ୍ରଶ୍ନ କରୁଛନ୍ତି ଯେ ପଞ୍ଜାବ ନିର୍ବାଚନରେ ତାଙ୍କର କଣ ଭୂମିକା ରହିବ |
Sambad is now on WhatsApp
Join and get latest news updates delivered to you via WhatsApp
ବାସ୍ତବରେ ଆଇପିଏସ ଅଫିସର ତଥା ଓଏସଆରଟିସିର ସିଏମଡି ଥିବା ଅରୁଣ ବୋଥ୍ରା ଆଜି ସୋସିଆଲ ମିଡ଼ିଆ ଟ୍ୱିଟରରେ ଏକ ଫଟୋ ପୋଷ୍ଟ କରିଥିଲେ | ଫଟୋ ପୋଷ୍ଟ କରି କ୍ୟାପ୍ସନରେ ସେ ଲେଖିଥିଲେ ଯେ ପଞ୍ଜାବ ନିର୍ବାଚନ ପାଇଁ ନୂଆ ପ୍ରବେଶ, ଆପଣ ଜାଣିପାରୁଛନ୍ତି କି ?
New entry in Punjab elections?
Pahchan kaun pic.twitter.com/3j0xDDZQFY
— Arun Bothra 🇮🇳 (@arunbothra) February 13, 2022
ଏହି ଫଟୋରେ ଅରୁଣ ବୋଥ୍ରାଙ୍କୁ ପଗଡି ପିନ୍ଧିଥିବା ସହ ଲମ୍ବା ଦାଢ଼ି ରଖିଥିବାର ଦେଖିବାକୁ ମିଳିଥିଲା | ଆଉ ଏହା ପରେ ତାଙ୍କ ଫଲୋୟର୍ସଙ୍କ ମଧ୍ୟରେ ଏହା ବିଜୁଳି ବେଗରେ ଭାଇରାଲ ହୋଇଥିଲା | ତେବେ ଅରୁଣ ବୋଥ୍ରା ଏହି ଫଟୋ ପଛର ରହସ୍ୟ ବାବଦରେ କୌଣସି ଖୁଲାସା କରିନାହାନ୍ତି | ଏଠାରେ ସୂଚନା ଥାଉ କି ଆସନ୍ତା ୨୦ ତାରିଖରେ ପଞ୍ଜାବର ୧୧୭ଟି ଆସନ ପାଇଁ ମତଦାନ ହେବ | ଆଉ ମାର୍ଚ୍ଚ ୧୦ରେ ଫଳାଫଳ ଜଣାପଡିବ |