ଅଟଳ ପୁରସ୍କାର ପାଇବେ ଅଶୋକ ଓ ଅର୍ପିତା
ରାଉରକେଲା : ଜାତୀୟ ପ୍ରଶିକ୍ଷକ ଅଶୋକ ପ୍ରସାଦ ଓ ଆନ୍ତର୍ଜାତିକ ଆଥଲେଟ୍ ଅର୍ପିତା ପରିଡା ପାଇବେ ଜାତୀୟ ଅଟଳ ରତ୍ନ ପୁରସ୍କାର। ଶନିବାର ଦିନ ଗୋଆର ମାଡ଼ଗାଁରେ ନିରାଡ଼ମ୍ବର ପରିବେଶ ଭିତରେ ସରକାରୀ କୋଭିଡ ନିୟମ ଅନୁଯାୟୀ ଅଶୋକ ଓ ଅର୍ପିତାଙ୍କୁ ମିଳିବ ଅଟଳ ରତ୍ନ କ୍ରୀଡା ପୁରସ୍କାର। ପୁରସ୍କାର ପାଇବାରେ ଅଶୋକ ଓ ଅର୍ପିତା ହେଉଛନ୍ତି ସୁନ୍ଦରଗଡ଼ ଜିଲ୍ଲାର ପ୍ରଥମ ଖେଳାଳୀ ଓ କୋଚ୍।
Sambad is now on WhatsApp
Join and get latest news updates delivered to you via WhatsApp
ଅର୍ପିତା ଚଳିତ ମାସ ୧୭ରୁ ୧୯ ତାରିଖ ପର୍ଯ୍ୟନ୍ତ ଗୋଆରେ ଅନୁଷ୍ଠିତ ଯୁବଜାତୀୟ କ୍ରୀଡା ପ୍ରତିଯୋଗିତାରେ ଭାଗ ନେଇ ୧୯ ବର୍ଷରୁ କମ୍ ଵର୍ଗରେ ଡିସକସ୍ ଥ୍ରୋରେ ଭାଗନେଇ ସ୍ୱର୍ଣ୍ଣ ପଦକ ବିଜୟୀ ହୋଇଛନ୍ତି। ଅର୍ପିତା ଓ ଅଶୋକ ଏବେ ପାନପୋଷ କ୍ରୀଡା ସଙ୍ଗଠନର ଆଜୀବନ ସଦସ୍ୟ ଅଛନ୍ତି।
ଅଶୋକ ଓ ଅର୍ପିତାଙ୍କୁ ଅଟଳ ପୁରସ୍କାର ମିଳୁଥବାରୁ ସଙ୍ଗଠନର ସଭାପତି ରଶ୍ମିତ ସାହାଣୀ, କାର୍ଯ୍ୟକାରୀ ସଭାପତି ବିକ୍ରମ ସ୍ୱାଇଁ, ଉପସଭାପତି ମହେନ୍ଦ୍ର ମିଶ୍ର, ନିଖିଳ ପ୍ରଧାନ, କେ ରାଜେଶ୍ୱରୀ , ବିଜୟ ବଡାଇକ, ସଙ୍ଗଠନର ସମ୍ପାଦକ ସତ୍ୟନାରାୟଣ ପଣ୍ଡା, କୋଷାଧ୍ୟକ୍ଷ ସୁଚିତ୍ରା ଦାସ, ଯୁଗ୍ମ ସମ୍ପାଦକ ଶଙ୍କର ଆବୁନିଙ୍କ ସମେତ ଧୀରେନ ଦାସ, ସ୍ଵାଗତିକା ମହାନ୍ତି, ଏମ୍ମଧୁର ବାଣି , ଗୀତାଞ୍ଜଳି ଟପ୍ପୋ , ଅଞ୍ଜଳି ଦାସ ,ସୁମନ ରାଓ , ଦିଲୀପ ସୁନିୟନି, ଗୋପୀନାଥ ପଣ୍ଡା, ଏନ ସି ସାହୁ ଓ ସୁସ୍ମିତା ଚାରଦିଆ ପ୍ରମୁଖ ଅଭିନନ୍ଦନ ଜଣାଇବା ସହିତ ତାଙ୍କର ଉତ୍ତୋତ୍ତର କାମନା କରିଛନ୍ତି।