ପ୍ରକାଶ ପାଇଲା ଏଏସ୍‌ଓ ପରୀକ୍ଷାଫଳ

କଟକ : ଓଡ଼ିଶା ଲୋକ ସେବା ଆୟୋଗ( ଓପିଏସସି) ପକ୍ଷରୁ ସୋମବାର ଦିନ ଆସିଷ୍ଟାଣ୍ଟ୍ ସେକସନ୍ ଅଫିସର(ଏଏସଓ) ପାଇଁ ପରୀକ୍ଷାଫଳ ପ୍ରକାଶପାଇଛି। ଲିଖିତ ପରୀକ୍ଷାରେ ୧୧୦୪ ଜଣ ଉତ୍ତୀର୍ଣ୍ଣ ହୋଇଛନ୍ତି। ଏମାନଙ୍କୁ ପ୍ରମାଣପତ୍ର ଯାଞ୍ଚ ପାଇଁ ଡକାଯିବ। ଆସନ୍ତା ୧୪.୧୧.୨୨ରୁ ୧୮.୧୧.୨୨ ଭିତରେ ଯୋଗ୍ୟ ବିବେଚିତ ପ୍ରାର୍ଥୀଙ୍କ ପ୍ରମାଣପତ୍ର ଯାଞ୍ଚ କରାଯିବ। ଆସନ୍ତା ୨୭ ତାରିଖରେ ଯୋଗ୍ୟପ୍ରାର୍ଥୀଙ୍କ କମ୍ପ୍ୟୁଟର ସ୍କିଲ୍‌ ଟେଷ୍ଟ ପରୀକ୍ଷା କରାଯିବ ବୋଲି ଓପିଏସ୍‌ସି ପକ୍ଷରୁ ସୂଚନା ଦିଆଯାଇଛି।

ଆସନ୍ତା ୨୬,୨୭ରେ ଓଇଏସ୍‌ ପରୀକ୍ଷା
କଟକ : ଆସନ୍ତା ୨୬ ଓ ୨୭ ତାରିଖରେ ଓଡ଼ିଶା ଏଜୁକେସନ୍ ସର୍ଭିସ( ଓଇଏସ୍) ପରୀକ୍ଷା ଅନୁଷ୍ଠିତ ହେବ ବୋଲି ଆଜି ଓପିଏସ୍‌ସି ପକ୍ଷରୁ ସୂଚନା ଦିଆଯାଇଛି। ଏହି ପରୀକ୍ଷା ବାଲେଶ୍ବର, ବ୍ରହ୍ମପୁର, ଭୁବନେଶ୍ବର, କଟକ ଓ ସମ୍ବଲପୁରରର ବିଭିନ୍ନ କେନ୍ଦ୍ରରେ ଅନୁଷ୍ଠିତ ହେବ। ବାଲେଶ୍ବରରେ ୨ଟି, ବ୍ରହ୍ମପୁରରେ ୨ଟି, ଭୁବନେଶ୍ବର ୯ଟି, କଟକର ୩ଟି ଓ ସମ୍ବଲପୁରର ୪ଟି କେନ୍ଦ୍ରରେ ଏହାର ପରୀକ୍ଷା କେନ୍ଦ୍ର ପାଇଁ ଧାର୍ଯ୍ୟ ହୋଇଛି।