ବାଲେଶ୍ୱର : ଭାରତୀୟ ବାୟୁସେନା ପକ୍ଷରୁ ସ୍ୱଦେଶୀ ଜ୍ଞାନ କୌଶଳରେ ନିର୍ମିତ ‘ଅସ୍ତ୍ର’ ମିଜାଇଲର ସଫଳ ପରୀକ୍ଷଣ ହୋଇଯାଇଛି। ବୁଧବାର ଦିନ ୨ଟାରେ ଏହି ମିଜାଇଲ ପଶ୍ଚିମବଙ୍ଗସ୍ଥିତ କୋଲେଇକୁଣ୍ତା ଏୟାରଫୋର୍ସ ଷ୍ଟେସନରୁ ସୁ-୩୦ ଯୁଦ୍ଧବିମାନ ଯୋଗେ ପ୍ରକ୍ଷେପଣ କରାଯାଇଥିଲା। ପରୀକ୍ଷଣ ବେଳେ ଆକାଶମାର୍ଗରେ ଏକ ମାନବବିହୀନ ବିମାନକୁ ଏହା ସଫଳତାର ସହ ଲକ୍ଷ୍ୟଭେଦ କରିଥିଲା।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଅସ୍ତ୍ର ମିଜାଇଲର ଲମ୍ବ ୩.୮ମିଟର ହୋଇଥିବା ବେଳେ ୧୭୮ ମିଲିମିଟର ଚଉଡ଼ା ଓ ଓଜନ ୧୬୦ କିଲୋଗ୍ରାମ ଓଜନ ରହିଛି। ଏହା ୧୫ କିଲୋଗ୍ରାମର ପାରମ୍ପରିକ ବିସ୍ଫୋଟକ ସାମଗ୍ରୀ ବହନ କରିପାରିବାର କ୍ଷମତା ରଖିଛି। ଯେକୌଣସି ଯୁଦ୍ଧ ବିମାନରୁ ଏହାକୁ ପ୍ରକ୍ଷେପଣ କରାଯାଇପାରିବ ବୋଲି ଜଣାଯାଇଛି। ପରୀକ୍ଷଣ ବେଳେ ଏୟାରଫୋର୍ସ ଏବ˚ ଚାନ୍ଦିପୁର ଡିଆରଡିଓର ଅଧିକାରୀ ଓ ବୈଜ୍ଞାନିକଗଣ ଉପସ୍ଥିତ ଥିଲେ। ଏହି ସଫଳତା ପାଇଁ ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ସମସ୍ତଙ୍କୁ ଶୁଭେଚ୍ଛା ଜଣାଇଛନ୍ତି। ଭାରତୀୟ ବାୟୁ ସେନାରେ ଏହାକୁ ସାମିଲ କରିବା ଲାଗି ନିଷ୍ପତ୍ତି ନିଆଯାଇଛି।