ଭୁବନେଶ୍ୱର: ଏଟିଏମରେ ଟଙ୍କା ଭର୍ତ୍ତି ପାଇଁ ଆସିଥିବା ଗାଡିରୁ ୪୦ ଲକ୍ଷ ଲୁଟ ହୋଇଥିବା ଅଭିଯୋଗ ହୋଇଛି। ଏହି ଅଭିଯୋଗରେ ପୁଲିସ ୨ ଜଣଙ୍କୁ ଗିରଫ କରିଛି । ଅଭିଯୁକ୍ତ ହେଲେ ସେ ଗାଡିର ଡ୍ରାଇଭର ଓ ତାର ଜଣେ ସହଯୋଗୀ । ଭାରତୀୟ ଷ୍ଟେଟ ବ୍ୟାଙ୍କର ଏଟିଏମଗୁଡିକରେ ଟଙ୍କା ଭର୍ତ୍ତି ପାଇଁ ରାଡିଏଂଟ କ୍ୟାସ ମ୍ୟାନେଜମେଂଟ ସଂସ୍ଥା ୨ କୋଟି ୫୦ ଲକ୍ଷ ଟଙ୍କା ନେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଅଶୋକନଗର ଏଟିଏମରେ ଟଙ୍କା ଭର୍ତ୍ତି ପାଇଁ ପହଞ୍ଚିଲାବେଳକୁ ଏହି ଟଙ୍କାରୁ ୮ଟି ବଣ୍ଡଲ ୪୦ ଲକ୍ଷ ଟଙ୍କା ଲୁଟ ହୋଇଥିବା ନଜରକୁ ଆସିଥିଲା । ଏନେଇ କ୍ୟାପିଟାଲ ଥାନାରେ ମାମଲା ରୁଜୁ କରାଯାଇଥିଲା ତଦନ୍ତ ପରେ ପୁଲିସ ଆଜି ୨ ଅଭିଯୁକ୍ତଙ୍କୁ ଗିରଫ କରିଛି । ନକଲି ଚାବି ଜରିଆରେ ଏମାନେ ଏହି ଟଙ୍କା ଲୁଟ କରିଥିବା ଜଣାପଡିଛି । ୨ ଅଭିଯୁକ୍ତଙ୍କ ଠାରୁ ପୁଲିସ ୪୦ ଲକ୍ଷ ଟଙ୍କା ବି ଜବତ କରିଛି ।