ନାବାଳିକା ଅପହରଣ ଉଦ୍ୟମ

ରସୁଲପୁର : ରସୁଲପୁର ବ୍ଲକ୍‌ ବାରବାଟୀ ପଞ୍ଚାୟତ ଜଳସେଚନ ବିଭାଗ ଡାକବଙ୍ଗଳା ପାଖରୁ ଆଜି ଅପରାହ୍ଣରେ ଦୁଇଜଣ ଯୁବକ ଜଣେ ନାବାଳିକାଙ୍କୁ ଅପହରଣ ଉଦ୍ୟମ କରିଥିଲେ। ନଦୀବନ୍ଧ ଉପରେ ଖେଳୁଥିବା ନାବାଳିକାଙ୍କୁ ଯୁବକମାନେ ବାଇକ୍‌ରେ ବସାଇ କବାଟବନ୍ଧ ରାସ୍ତାରେ ନେଇ ଯାଇଥିଲେ।

କିଛିଲୋକ ସନ୍ଦେହ କରି ତାଙ୍କ ପରିବାରକୁ ଫୋନ୍‌ରେ ଜଣାଇଥିଲେ। କିଛିଲୋକ ବାଇକ୍‌ରେ ଅପହର୍ତ୍ତା ଯୁବକମାନଙ୍କ ପିଛା କରିଥିଲେ। ଜେନାପୁର ଥାନା ଅନ୍ତର୍ଗତ କୁସୁନପୁର ପାଖରେ ବାଇକ୍‌ରୁ ପଡ଼ିଯିବାରୁ ଯୁବକମାନେ ନାବାଳିକାଙ୍କୁ ଛାଡ଼ି ଦୌଡ଼ି ପଳାଇଥିଲେ। ପରିବାର ଲୋକେ ପହଞ୍ଚି ଝିଅକୁ ଉଦ୍ଧାର କରିଥିଲେ।