ବନ୍ଧୁକ ଦେଖାଇ ଡକାୟତି ଉଦ୍ୟମ

ତୁଷୁରା: କପସିଲା-ତୁଷୁରା ରାସ୍ତାରେ ସୋମବାର ବନ୍ଧୁକ ଦେଖାଇ ଡକାୟତି ଉଦ୍ୟମ ହୋଇଥିଲା। ଏନେଇ ତୁ‌ଷୁରା ଥାନାରେ ଅଭିଯୋଗ ହୋଇଛି। ପୁଲିସର ସୂଚନା ଅନୁସାରେ, ସୋମବାର ଅପରାହ୍ଣ ୨ଟା ସମୟରେ ସଇନ୍ତଳା ଥାନ କନ୍ଧକେଲଗାଁ ଗ୍ରାମର ମନ୍ମଥ ମେହେର କପସିଲା ଗ୍ରାମରେ ପ୍ରବଚନ ସାରି ବାଇକ୍‌ ଯୋଗେ ନିଜ ଘରକୁ ଫେରୁଥିଲେ। କପସିଲା-ତୁଷୁରା ରାସ୍ତାର ଆଶ୍ରମ ରାସ୍ତା ପାଖରେ ପରିସ୍ରା କରୁଥିବା ବେଳେ ତିନିଜଣ ଯୁବକ ୨ଟି ବାଇକ୍‌ରେ ଆସି ମନ୍ମଥଙ୍କ ହାତରୁ ମୋବାଇଲ ଫୋନ ଓ ବାଇକ ଚାବି ଛଡ଼ାଇ ନେଇଥିଲେ।

ମନ୍ମଥ ସେମାନଙ୍କ ସହ ସଂଘର୍ଷ କରି ମୋବାଇଲ ଫୋନ୍‌ଟି ଛଡ଼ାଇଥିଲେ। ଏହା ପରେ ଦୁବୁର୍ତ୍ତମାନେ ବନ୍ଧୁକ ଦେଖାଇଥିଲେ। ମନ୍ମଥ ଚିତ୍କାର କରିବାରୁ ଲୁଟେରାମାନେ ଘଟଣାସ୍ଥଳରୁ ଫେରାର ମାରିଥିଲେ। ମନ୍ମଥଙ୍କ ଅଭିଯୋଗକୁ ଆଧାର କରି ପୁଲିସ ତଦନ୍ତ ଜାରି ରଖିଛି।