ପୋଖରୀରେ ବୁଡ଼ି ଯୁବକଙ୍କ ମୃତ୍ୟୁ
ଆଳି: କେନ୍ଦ୍ରାପଡ଼ା ଜିଲ୍ଲାର ଆଳି ଥାନା ଅଞ୍ଚଳରେ ଜଣେ ଯୁବକଙ୍କର ଆଜି ପୋଖରୀରେ ବୁଡ଼ି ମୃତ୍ୟୁ ଘଟିଥିବାର ଖବର ମିଳିଛି। ପ୍ରାପ୍ତ ସୂଚନା ଅନୁଯାୟୀ, ଆଳି ଥାନା ଅନ୍ତର୍ଗତ ଗୌଡ଼ପାଟଣା ଗ୍ରାମର ଭାବଗ୍ରାହୀ ପରିଡ଼ା (୪୨)ଆଜି ସକାଳ ୬ ଟାରେ କଟକ-ଚାନ୍ଦବାଲି ମୁଖ୍ୟ ରାସ୍ତା କଡ଼ରେ ଥିବା ଗାଁ ପୋଖରୀକୁ ଗାଧୋଇବାକୁ ଯାଇଥିଲେ। ବହୁ ସମୟ ଧରି ଭାବଗ୍ରାହୀ ଘରକୁ ନ ଫେରିବାରୁ ପରିବାର ଲୋକେ ଖୋଜାଖୋଜି କରିଥିଲେ। ପୋଖରୀ ତୁଠରେ ଭାବଗ୍ରାହୀଙ୍କ ଚପଲ, ବ୍ରସ୍ ଥିବାର ଦେଖି ପୋଖରୀରେ ଖୋଜାଖୋଜି କରିବା ପରେ ଭାବଗ୍ରାହୀଙ୍କୁ ପାଣିରେ ବୁଡ଼ିଥିବା ଅବସ୍ଥାରେ ପାଇଥିଲେ।
Sambad is now on WhatsApp
Join and get latest news updates delivered to you via WhatsApp
ପରିବାର ଓ ଗ୍ରାମବାସୀ ଭାବଗ୍ରାହୀଙ୍କୁ ଆଳି ସରକାରୀ ଡାକ୍ତରଖାନାକୁ ନେଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ମୃତ ଭାବଗ୍ରାହୀଙ୍କର ୨ ପୁଅ, ଝିଅ ଓ ପତ୍ନୀ ଅଛନ୍ତି। ଭାବଗ୍ରାହୀଙ୍କ ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀମାନେ ଦାବି କରିଛନ୍ତି। ଏହି ଘଟଣା ଆଳି ଥାନା ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି।