ଆଳି: କରୋନା ଆକ୍ରାନ୍ତଙ୍କ ସଂଖ୍ୟା ଛୁଇଁଲା ୧୭୦, ୬୯୪ ଆଣ୍ଟିଜେନ ପରୀକ୍ଷା
ଆଳି: କେନ୍ଦ୍ରାପଡ଼ା ଜିଲ୍ଲାର ଆଳି ବ୍ଲକ ମେଣ୍ଢପୁର ପଞ୍ଚାୟତର ଗୋପ ପ୍ରାଥମିକ ସ୍କୁଲ ଓ କଳାପାହାଡ ସ୍କୁଲରେ ସ୍ବାସ୍ଥ୍ୟ ବିଭାଗ ପକ୍ଷରୁ ୬୯୪ ଆଣ୍ଟିଜେନ ପରୀକ୍ଷା କରାଯାଇଥିବା ବେଳେ ଶନିବାର ୪ ସ୍ଥାନୀୟ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ। ଚିହ୍ନଟ ହୋଇଥିବା ୪ ସ୍ଥାନୀୟ ଆକ୍ରାନ୍ତଙ୍କ ମଧ୍ୟରେ ୩ ଜଣ ମହିଳା ରହିଥିବା ବେଳେ ଜଣେ ୪୨ ବର୍ଷିୟ ପୁରୁଷ ଅଛନ୍ତି।
Sambad is now on WhatsApp
Join and get latest news updates delivered to you via WhatsApp
ଶୁକ୍ରବାର ଆଳି ଥାନାର ଜନୈକା ମହିଳା ପୁଲିସ ଅଧିକାରୀଙ୍କ ସମେତ ଆଳିରୁ ୧୬ କରୋନା ଆକ୍ରାନ୍ତ ଚିହ୍ନଟ ହେବା ଶନିବାର ପରେ ପୁଣି ଆଳିର ସଦର ଅଞ୍ଚଳରୁ ୪ ଆକ୍ରାନ୍ତ ଚିହ୍ନଟ ଅଞ୍ଚଳବାସୀଙ୍କ ଚିନ୍ତା ବଢାଇ ଦେଇଛି। ବ୍ଲକର ବିଭିନ୍ନ ପଞ୍ଚାୟତର ସ୍ଥାନୀୟ ଲୋକଙ୍କ ସମେତ ଆଳିମେଡିକାଲର ଆଟେଣ୍ଡାଣ୍ଟ ଓ ତାଙ୍କ ପତ୍ନୀ, ଭାଟପଡା ଗ୍ରାମର ଜନୈକ ମେଡିସିନ ଷ୍ଟୋର ମାଲିକ ଓ ତାଙ୍କର ପରିବାର ସଦସ୍ୟଙ୍କୁ ମିଶାଇ ସର୍ବମୋଟ ୧୭୦ ଆକ୍ରାନ୍ତ ଏଯାବତ ଚିହ୍ନଟ ହୋଇଛନ୍ତି।
ଲଗାତର ଭାବେ ଆଳିର ବିଭିନ୍ନ ସ୍ଥାନରୁ ଏତେ ସଂଖ୍ୟକ ସ୍ଥାନୀୟ ଆକ୍ରାନ୍ତ ଚିହ୍ନଟ ଘଟଣା ଅଞ୍ଚଳବ୍ୟାପି ଆତଙ୍କର କାରଣ ହୋଇଛି।ତେବେ ପ୍ରଶାସନ ଓ ସ୍ବାସ୍ଥ୍ୟ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଶିବିର କରାଯାଇ ସ୍ବାବ ପରୀକ୍ଷା କରାଯିବା ସହିତ କୋଭିଡ କଟକଣାକୁ କଡାକଡି କରାଯାଇ ଲୋକସଚେତନତା ଜାରି ରହିଛି।