ବି.ଏଡ୍ ପ୍ରବେଶିକା ପରୀକ୍ଷା ୭ରୁ
ଭୁବନେଶ୍ବର : ୨୦୨୧-୨୨ ଶିକ୍ଷାବର୍ଷ ପାଇଁ ବି.ଏଡ୍ ଓ ବିପିଏଚ୍ଇଡି ପାଠ୍ୟକ୍ରମରେ ନାମଲେଖା ପାଇଁ ଅକ୍ଟୋବର ୭ରୁ ୧୦ ମଧ୍ୟରେ ପ୍ରବେଶିକା ପରୀକ୍ଷା ଅନୁଷ୍ଠିତ ହେବ। ଅନ୍ଲାଇନ୍ରେ ହେବାକୁ ଥିବା ଏହି ପରୀକ୍ଷା ଏକାଧିକ ବ୍ୟାଚ୍ରେ କରାଯିବ। ପରୀକ୍ଷାରେ ଅଂଶଗ୍ରହଣ କରିବା ଲାଗି ଗତ ୨୫ ତାରିଖଠାରୁ ପରୀକ୍ଷାର୍ଥୀଙ୍କ ଆଡମିଟ୍ କାର୍ଡ ରିଲିଜ୍ ହୋଇଛି, ଯାହାକି ଅକ୍ଟୋବର ୧୦ ପର୍ଯ୍ୟନ୍ତ ବୈଧ ରହିବ। ପରୀକ୍ଷାର୍ଥୀ http:/amsodisha.gov.in ୱେବ୍ସାଇଟ୍ରୁ ସେମାନଙ୍କ ଆଡମିଟ୍ କାର୍ଡ ଡାଉନ୍ଲୋଡ୍ କରିବା ସହ ପରୀକ୍ଷାରେ ଅଂଶଗ୍ରହଣ କରିପାରିବେ। ଏଥିସହ ସାମ୍ସ ପକ୍ଷରୁ ପରୀକ୍ଷାର୍ଥୀଙ୍କୁ ଏସ୍ଏମ୍ଏସ୍ ମାଧ୍ୟମରେ ସୂଚନା ପ୍ରଦାନ କରାଯିବ ବୋଲି ଉଚ୍ଚଶିକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି।