ଧୁକୁଡ଼ି ଦ୍ୱାର ନିକଟରେ ରକ୍ତଛିଟା: ଶ୍ରୀମନ୍ଦିରରେ ପୁଣି ବଡ଼ ମହାସ୍ନାନ
ପୁରୀ: ଶ୍ରୀମନ୍ଦିରରେ ଆଜି ପୁଣି ବଡ଼ ମହାସ୍ନାନ କରାଯାଇଛି। ଶ୍ରୀମନ୍ଦିରର ଧୁକୁଡ଼ି ଦ୍ୱାର ନିକଟରେ ରକ୍ତଛିଟା ଦେଖାଯିବାରୁ ମହାପ୍ରଭୁଙ୍କ ବଡ଼ ମହାସ୍ନାନ କରାଯାଇଥିବାର ସୂଚନା ମିଳିଛି। ଯେଉଁଥିପାଇଁ ଆଜି ବି କିଛି ସମୟ ପାଇଁ ଦର୍ଶନ ବନ୍ଦ ରହିଥିବା ଜଣାଯାଇଛି। ମହାସ୍ନାନ ନୀତି ସରିବା ପରେ ଭକ୍ତଙ୍କ ଦର୍ଶନ ଆରମ୍ଭ ହୋଇଛି। ଶ୍ରୀମନ୍ଦିର ପ୍ରଶାସନ ସୂଚନା ମୁତାବକ, ଆଜି ମହାପ୍ରଭୁଙ୍କ ଭିତରକାଠରେ ଦର୍ଶନ ବେଳେ ରକ୍ତଛିଟା ସେବାୟତଙ୍କ ନଜରକୁ ଆସିଥିଲା। ମାରା ହେବାରୁ ମହାପ୍ରଭୁଙ୍କ ସବୁ ନୀତିକାନ୍ତି ବନ୍ଦ କରି ରତ୍ନ ସିଂହାସନ ସହ ଭିତର କାଠ ସମ୍ପୂର୍ଣ୍ଣ ଧୂଆ ଯିବାପରେ ଦର୍ଶନ ଆରମ୍ଭ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗତ ଦୁଇମାସ ଭିତରେ ଏଭଳି କାରଣରୁ ଶ୍ରୀମନ୍ଦିରରେ ଆଜି ଲଗାତର ବଡ଼ ମହାସ୍ନାନ କରାଯାଇଛି। ପୂର୍ବରୁ ତିନିଦିନ ଶ୍ରୀମନ୍ଦିରରେ ରକ୍ତଛିଟା ଓ ବାନ୍ତି ପାଇଁ ମହାପ୍ରଭୁଙ୍କ ବଡ଼ ମହାସ୍ନାନ ହେବା ଭକ୍ତଙ୍କ ମହଲରେ ଗୁଞ୍ଜରଣ ସୃଷ୍ଟି କରିଥିଲା। ଏହା କୌଣସି ଅଘଟଣର ପୂର୍ବାଭାସ ହୋଇପାରେ ବୋଲି ଭକ୍ତ ମହଲ ଶଙ୍କା ପ୍ରକଟ କରିଥିଲେ।